Хаартыска: Андрей Сорокин, СИА
Таатта улууһун Боробул сэлиэнньэтин 31 саастаах олохтооҕо икки буруйу оҥорбутунан ааҕыллар. Эр киһи Дьохсоҕон нэһилиэгин баһылыгын кырбаабыт, оттон полицейскайга саба түһэн, полиция отделын малын-салын алдьаппыт.
Буруйдуур холуобунай дьыала суут көрүүтгэр бэрилиннэ диэн СӨ Борокуратууратыгар уонна Силиэстийэлиир кэмитиэт Саха сиринээҕи управлениетатыгар иһитиннэрдилэр.
Быһылаан бу саас – муус устар 1 күнүгэр буолбут. Буруйданааччы ол күн итирик туруктаах нэһилиэк баһылыгар дьиэтигэр тиийэн, үлэтин сөбүлээбэккэ, сирэйгэ уонна этигэр-сиинигэр хаста да охсубут.
Борокуратуура иһитиннэрэринэн, эмсэҕэлээччи сыҥааҕын, хаҥас өттүнэн түөһүн эчэппит. Быһылаан буолбут сиригэр полиция үлэһиттэрэ кэлэн, эр киһини тутан отделга аҕалбыттар. Онно кини, хаамыраҕа киириэн баҕарбакка, оперативнай дьуһуурунайга саба түспүт. Итини таһынан тимир ыскамыайканы тоҕо тардан, хаххалыыр өстүөкүлэни уонна видеокамераны алдьаппыт. Онтон атаҕынан тэбэн истиэнэни курдат алдьаппыт, ыаллыы турар хаамыраҕа киирбит. «Барыллаан силиэстийэлээһин кэмигэр дакаастыыр баазаны хомуйууга уонна бигэргэтиигэ туһуламмыт силиэстийэлиир дьайыылар комплекстара ыытылынна. Борокуруор бигэргэппит холуобунай дьыалата суут көрүүтгэр ыытылынна», — диэн Силиэстийэлиир кэмитиэт пресс-сулууспатыгар иһитиннэриитигэр этиллэр.
Бу быраабыланы кэһии иһин ыстараап кээмэйэ сокуоннай саастарын ситэ илик оҕолорго табах бородууксуйатын атыылааһын иһин…
Хас биирдии үөрэнээччи күннэтэ суругунан үлэни толорор. Ол гынан баран, аныгы үйэ тэриллэрэ сайданнар, дьон…
Оҕо бастакы күнүгэр ытаан-соҥоон уһуйааҥҥа барарыгар, сарсын үчүгэй буолуо диэн бэйэҕитин уоскутунаҕыт. Ол эрээри, биир…
Кэлиҥҥи сылларга дойду үрдүнэн чоҕу хостуур салаа кэккэ ыарахаттары көрүстэр да, Саха сирэ төттөрүтүн үрдүк…
Роспотребнадзор тымныйыы, ОРВИ, кириип уонна коронавирус саҥа сезона саҕаланыан иннинэ илиини чаастатык суунары, дистанцияны тутуһары,…
…Оҕо саас уһаабатаҕа. Ол иһин Николай Саввич күн сирин көрбүт, оҕо буолан оонньообут кэмиттэн, эппиккэ…