Ааптар хаартыскаҕа түһэриитэ
Горнай улууһун Кировскай нэһилиэгэр СӨ бырабыыталыстыбатын отчуота буола турар. Олохтоохтор министиэристибэлэр, биэдэмистибэлэр исписэлиистэриттэн босхо консультациялары ыллылар.
Манна 615 киһи олорор. Олохтоохтор култуура-успуорт киинэ тутулларын туруорсаллар. Билигин бибилэтиэкэ, түмэл хаарбах дьиэҕэ үлэлии олороллор. Социальнай эбийиэктэр сэбиэскэй кэмҥэ тутуллубуттар, онон хапытаалынай өрөмүөнү эрэйэллэр. Арай оскуола 2012 сыллаахха тутуллубута.
Хаарбах дьиэни көһөрүү бырагырааматынан, манна 8 кыбартыыралаах дьиэ тутуллуохтаах, ол эспэртиисэни ааһара күүтүллэр. Маны тэҥэ, Арчы дьиэтин тутуохтарын баҕараллар, бырайыага оҥоһуллубута.
Нэһилиэк баһылыгын солбуйааччы Саргылаана Аргунова кэпсииринэн, манна улуус биир саамай улахан хаһаайыстыбата — »Сир» бааһынай хаһаайыстыбата (сал. Петр Данилов) үлэлиир. Хаһаайыстыба 220 төбө сүөһүлээх, ол иһигэр 120 ыанар ынахтаах. Арыы сыаҕа суох буолан, үүттэрин Бэрдьигэстээххэ тиэйэн туттараллар.
Сэбиэскэй кэмҥэ »Атамай» сопхуос үүттээбит скважината билигин улуус киинин эмиэ иһэр уунан хааччыйан олорор.
Нэһилиэккэ »Сокол» байыаннай-патриотическай кулууп дьиэтэ тутуллуохтаах. Өрөспүүбүлүкэтээҕи таһымнанан, кыһыннары-сайыннары үлэлиир лааҕыр буолуохтаах. Бу кулуубу энтузиаст, »ОБЖ», физкултуура учуутала Руслан Иванов сүүрбэттэн тахса сыл үлэлэтэр.
Бөһүөлэк гааска толору холбонон, икки хочуолунай тигинэччи үлэлиир. Федеральнай суолга 2 чайной үлэлээбиттэрэ ыраатта.
Бу курдук тыа сирин нэһилиэгэ үлэлии-хамсыы олорор.
Ангелина Васильева.
Ааптар түһэриитэ.
Саҥа дьыллааҕы бырааһынньыктары көрсө Судаарыстыбаннай Дуума дьокутаата Олег Леонов ТАСС-ка биэрбит кэпсэтиитигэр пиротехниканы куттала суох…
ИДьМ сулууспатын Ньурба улууһун отделын дьуһуурунай чааһыгар олохтоох киһи суотабай төлөпүөнүн уорбуттарын туһунан сайабылыанньа суруйбут.…
Дьокуускай куорат борокуратуурата сэдэх (орфаннай) ыарыынан ыалдьар инбэлиит быраабын көмүскээн, үрдүк сыаналаах эминэн хааччылларын ситистэ.…
Байыаннай дьайыы бэтэрээнин Пеледуй бөһүөлэк орто оскуолатыгар тэриллибит Москва анныгар фашистскай халабырдьыттары утары кыргыһыы 84…
Саҥа Дьыл чугаһаабытынан Саха сирин олохтоохторо дьиэлэригэр, «утренниктарга» уонна тэрилтэлэрин киэһэлэригэр Тымныы Оҕонньору уонна Хаарчаананы…
Ил Дархан 2025 сыл түмүктэрин таһаарыаҕа уонна өрөспүүбүлүкэ сайдыытын кэскилин торумнуоҕа. Ахсынньы 23 күнүгэр, Дьокуускай…