Татьяна Алексеева хаартыскаҕа түһэриитэ
Горнай улууһун Атамай нэһилиэгэр өрөспүүбүлүкэ дьоҕус нэһилиэктэрин икки ардыларыгар 12 төгүлүн ыытыллар волейбол күрэхтэһиитэ үрдүк таһымнаахтык буолла.
Күрэскэ Сииттэ (Кэбээйи), Сиинэ (Хаҥалас), Тиит Арыы (Хаҥалас), Байаҕантай (Уус Алдан), Соловьев нэһилиэгэ (Чурапчы), Бүлүүчээн (Сунтаар), Тыайа (Кэбээйи), Алтан (Амма), 1 Баатара (Мэҥэ Хаҥалас), Тараҕай (Мэҥэ Хаҥалас), 1 Дьөппөн (Хаҥалас), Орто Сурт (Горнай), Күөрэлээх (Горнай), Атамай (Горнай) кытыннылар.
Ыраахтан-чугастан күрэсчиттэр бары да ох курдук оҥостон, үчүгэйдик бэлэмнэнэн кэлбиттэр. Онон күрэхтэһии уоттаах-күөстээх, илин-кэлин түсүһүүлээх буолла. Үс сааланан ньиргиччи ыыллыбыт күүрээннээх күрэхтэһии түмүгүнэн кыайыылаахтар быһаарылыннылар.
Кыргыттарга:
Байаҕантай нэһилиэгэ, Уус Алдан улууһа кыайыылааҕынан таҕыста.
Тараҕай спортсменнара (Мэҥэ Хаҥалас улууһа) иккис бириистээх миэстэни ыллылар.
1 Баатара (Мэҥэ Хаҥалас улууһа) хамаандата үһүскэ таҕыста.
Уолаттарга:
1 м. Сииттэ, Кэбээйи улууһа.
2 м. Танда, Уус Алдан улууһа.
3 м. Орто Сурт, Горнай улууһа.
Бастыҥ оонньооччуларга анал ааттар туттарылыннылар:
«Перспективный игрок» — Сидорова Нарыйа, Байаҕантан, Уус Алдан. «Перспективный игрок» — Аммосов Григорий, Байаҕантай, Уус-Алдан. «Полезный игрок» — Сардаана Баянакова, 1 Баатара, Мэҥэ Хаҥалас. “Полезный игрок» — Макаров Алексей, Сиинэ, Кэбээйи. «Лучший защитник» — Захарова Татьяна, 1 Баатара, Мэҥэ Хаҥалас. «Лучший защитник» — Чемезов Игорь, Орто Сурт, Горнай. «Лучший связующий» — Бурнашева Галина, Тараҕай, Мэҥэ Хаҥалас. «Лучший связующий» — Ноговицын Игорь, Сииттэ, Кэбээйи. «Лучший нападающий» — Яковлева Лилия, Тараҕай, Мэҥэ Хаҥалас. «Лучший нападающий» — Максимов Николай, Сииттэ, Кэбээйи. «Лучший игрок» — Калининская Мичийэ, Байаҕантай, Уус Алдан. «Лучший игрок» — Готовцев Алексей, Байаҕантай, Уус Алдан.
Икки күннээх волейбол күрэхтэһиитигэр өрөспүүбүлүкэбит араас муннугуттан уопсайа 7 араас улуус, 14 нэһилиэк, 18 хамаанда (12-уолаттар, 6 — кыргыттар), 155 оонньооччу кыттыыны ылла.
Ыалдьыттары көрсөн, олохтоон, итии аһылыгынан хааччыйбыт Атамай нэһилиэгин орто оскуолатын кэлэктиибигэр, олохтоох урбаанньыт Филипповтар дьиэ кэргэҥҥэ, дьуһуурунай быраастарбытыгар, АКСК «Атамай» бары үлэһиттэригэр уонна күрэхтэһиини иилээн-саҕалаан ыыппыт СӨ волейбол федерациятыгар, улууспут дьаһалтатыгар, судьуйаларбытыгар, тэрийээччилэргэ уонна күрэхтэһии кыттыылаахтарыгар чаҕылхай оонньуу, сытыы киирсии иһин Атамай нэһилиэгин олохтоох дьаһалтатын аатыттан махталбытын тиэрдэбит.
Олохтоох дьаһалта пресс-сулууспата,
Атамай, Горнай.
Татьяна Алексеева хаартыскаларга түһэриитэ
«Мечел» бөлөххө киирэр «Мечел-Сервис» тимир атыылыыр хампаанньата Саха сиригэр Өлүөнэ өрүһү туоруур саҥа массыына суолун…
Өбүгэлэрбит хайдах күн-дьыл буолуон эндэппэккэ билэллэрэ. Айылҕа араас көстүүтүн, оту-маһы, кыылы-сүөлү кэтээн көрөллөрүн туһунан элбэхтэ…
Мииринэй нэһилиэнньэлээх пууннарыгар СӨ Бырабыыталыстыбатын 2025 сыллааҕы үлэтин отчуоттуур мунньаҕын иккис күнэ. Бөлөҕү СӨ Бырабыыталыстыбатын…
Билигин Арассыыйаҕа барытыгар кэриэтэ XFG ("Стратус") коронавирус штамма тарҕанна. Бу штамм аан бастаан былырыын Канадаҕа…
Ньурба техникумугар устудьуоннары уонна үлэһиттэри ыксаллаах түгэннэргэ бэлэмниир, баһаартан сэрэтэр тэрээһиннэр ыытылыннылар диэн СӨ Судаарыстыбаннай…
Арассыыйа ИДьМ Мэҥэ Хаҥалас оройуонунааҕы полиция отделын дьуһуурунай чааһыгар олохтоох дьахтартан кыбартыыратыгар киирэр аанын алдьаппыттарын…