Хаартыска sakha.gov.ru ылылынна
Киинэни устуу уонна киинэ быракаатын боппуруостарын киинэ индустриятын бэрэстэбиитэллэрэ Арассыыйа уонна Беларусь Өрөспүүбүлүкэтэ хардарыта сибээстээх бииргэ үлэлээһини бөҕөргөтүү кэскилин туһунан кэпсэтиигэ дьүүллэстилэр. Тэрээһин сэтинньи 2 күнүгэр Минскэйгэ «Листопад» киинэ бэстибээлин иитинэн ыытылынна.
«Төгүрүк остуолга» Беларусь Өрөспүүбүлүкэтин култуураҕа миниистирин бастакы солбуйааччы Валерий Громада, култуура министиэристибэтин култуура сүрүн тэрээһиннэрин управлениетын начаалынньыга Ирина Дрига, «Буларусьфильм» киинэ устуудьуйатын генеральнай дириэктэрэ Юрий Алексей, кинематографистар сойуустарын бэрэссэдээтэлэ Евгений Арендаревич кытыннылар. Арассыыйа кинематографистарыттан дойду биллэр-көстөр «Мосфильм» уонна «Ленфильм» киинэ устуудьуйатыттан Карен Шахназаров уонна Эдуард Суворов, актёр, киинэ режиссера, суруйааччы, РФ Судаарыстыбаннай Дууматын дьокутаата Николай Бурляев, биллэр-көстөр режиссердар, актердар Игорь Угольников уонна Сергей Урсуляк, Саха сириттэн «Экстра Синема» ХЭУо генеральнай дириэктэрэ Петр Чиряев уо.д.а. кыттыыны ыллылар.
Дьүүллэһиигэ сүрүн боппуруостарынан киинэни бииргэ оҥорон таһаарыы, киинэ бырайыактарын үбүлээһин, хаачыстыбаны тупсарыы уонна куоталаһар кыаҕы үрдэтии туһунан буолла.
«Кыра нэһилиэнньэлээх пууннарга киинэни тарҕатыы, сайыннарыы бырайыагын улаханнык сэҥээрдилэр. «Экстра Синема» технологиятын сырдатыы «Беларусьфильм» киинэ устуудьуйатыгар буолла. Маныаха «Экстра Синема» ньыматын сиһилии билэргэ-көрөргө диэн, кэллиэгэлэрбит Саха сиригэр кэлэргэ бэлэмнэрин, ону сэргэ, бырайыакка бииргэ үлэлэһэр баҕалаахтарын биллэрдилэр«, — диэн кэпсиир Петр Чиряев.
«Төгүрүк остуол» түмүгүнэн Беларусь Өрөспүүбүлүкэтин уонна Арассыыйа икки ардыларыгар бииргэ үлэлээһини кэҥэтиигэ, үөрүйэҕи атастаһыыга кэпсэтии буолла.
Санатар буоллахха, 2024 сыл балаҕан ыйын бүтүүтүгэр СӨ Ил Дархана Айсен Николаев Беларусь Өрөспүүбүлүкэтин Бэрэсидьиэнин Александр Лукашенконы кытта көрсүбүтэ. Онно икки өртүттэн култуура тэрээһиннэригэр хардарыта сибээстээх үлэлэһии, атыыны-эргиэни кэҥэтии, успуорт тэрээһиннэригэр кыттыы, информационнай технологиялар эйгэлэригэр бииргэ үлэлээһин туһунан, уо.д.а. боппуруостар көрүллүбүттэрэ.
СӨ Ил Дарханын уонна Бырабыыталыстыбатын пресс-сулууспата
Хаартыскалар: sakha.gov.ru
Үөһээ Бүлүү улууһун Баҕадьа сэлиэнньэтигэр оскуола-саад үлэҕэ киирдэ. Бүгүн өрөспүүбүлүкэ үрдүнэн тоҕус социальнай эбийиэк аһылынна.…
Үрдүк үөрэхтэргэ уонна кэллиэстэргэ Биир кэлим эксээмэни туттарбакка үөрэххэ киирии туһунан сокуон барылын дьокутааттар бөлөхтөрө…
Амма улууһун Михайловка сэлиэнньэтигэр Норуот айымньытын дьиэтэ үөрүүлээх быһыыга-майгыга аһылынна. Бүгүн өрөспүүбүлүкэ үрдүнэн тоҕус социальнай…
Ленскэй оройуонунааҕы ИДьМ дьуһуурунай чааһыгар маркетплейс бэрэстэбиитэлиттэн сайабылыанньа киирбит. Инвентаризация кэмигэр табаары биэрэр пуунтан 300…
Оҕуруоту, сибэккини олордууга сүбэлэр Сүрүннээн тохсунньуттан үүнээйини олордуу саҕаланар. Арктикатааҕы судаарыстыбаннай агротехнологическай университет ойуур комплексыгар…
Дьокуускайдааҕы ИДьМ салаатыгар дьахтар балыыһаҕа сылдьан тас таҥаһын уордарбытын туһунан иһитиннэрбит. Бу туһунан СӨ ИДьМ…