«Нелегальнай мигрант» эпэрээссийэ салҕанар

Суһал-сэрэтэр тэрээһиннэр саҕаланыахтарыттан полиция үлэһиттэрэ омук дьоно олорор, үлэлиир 3,2 тыһыынчаттан тахса эбийиэктэрин бэрэбиэркэлээбиттэр. Бу тутулла турар дьиэлэр, атыы-эргиэн туочукалара, үөрэх тэрилтэлэрэ, бырамыысыланнай атыы-эргиэн дьиэлэрэ, ыскылааттар, олорор дьиэлэр, уопсастыбаннай аһылык пууннара, миграннар олорор сирдэрэ буолаллар диэн СӨ ИДьМ пресс-сулууспата иһитиннэрэр.

Бу кэм устатыгар иммиграционнай хонтуруол салаатын үлэһиттэрэ 2 тыһыынча кэриҥэ омук гражданнарын бэрэбиэркэлээбиттэр уонна миграция эйгэтигэр 133 административнай быраабы кэһиини арыйбыттар. Ону таһынан, полиция үлэһиттэрэ РФ Холуобунай кодексатын 322.3 уонна 327 ыстатыйаларынан көрүллэр, омук дьонун сымыйанан учуокка туруорбут уонна сымыйа докумуоннары оҥоруу 10 чахчыларын бэлиэтээбиттэр.

СӨ ИДьМ Миграция боппуруостарыгар управлениета 27 киһиэхэ дойдуга киирэр быраабы быһар уонна 7 киһиэхэ быстах кэмҥэ олорор бырааптарын кылгатар быһаарыыны ылыммыт.

Сокуоннайа суох миграция ханаалын көрдөөһүн, тохтотуу уонна сэрэтии үлэтэ салҕанар.