Нэдиэлэтээҕи гороскоп: От ыйын 4-11 күннэрэ

Сулустар тугу сипсийэллэр?

Хой

Бу нэдиэлэҕэ сэниэҥ суох буолуоҕа. Хорутуулаахтык үлэлиэххин баҕараҕын эрээри туох эрэ кыаллыбат. Онон ыксаабакка, сөбүлүүр дьарыккар ылсарыҥ ордук.

Оҕус

Ситиһиилээх нэдиэлэ. Саҥа сонуну барытын үчүгэйдик ылынаҕын. Барытыгар ылсарга, хамсанарга бэлэмҥин. Ол эрээри иэйиигэ сыһыаннаах дьыалаҕа болҕомтолоох буол.

Игирэлэр

Дьону өһүргэтэр, хомотор гына саҥарыаххын сөп. Нэдиэлэ саҥата арыый туттуна сырыт. Дьиэлээхтэргэр аһары тойорҕоомо, сыһыаны буортулаабат гына сырыт.

Араак

Сэниэлээххин, саҥаны айарга-тутарга бэлэмҥин. Үлэнэн эрэ олорор курдуккун. Тус олоххун оҥосторгор кыһан.

Хахай

Бэйэҕэр эрэллээххин, элбэх саҥа идиэйэлээххин. Онон биир санаалаахтаргын түмэ тардан, саҥа дьыалаҕа ылсыаххын сөп.

Кыыс

Олоххо көхтөөх буол. Утуйан баран сылдьар курдуккун. Саҥа идиэйэни олоххо киллэрии үгүс туһаны аҕалыа.

Ыйааһын

Нэдиэлэ олус тэтимнээх буолуоҕа. Саҥа билсиһиилэр доҕордоһууга кубулуйуохтарын сөп. Онон тэтими арыый бытаардар наада.

Скорпион

Нэдиэлэ ортотуттан эрдэ күүрэ сылдьыбыт санааҥ холкутуо. Үгүс ситиһии күүтэр. Бэйэҕэр эрэллээх буол.

Охчут

Улахан кэпсэтии барыстаах дьыалаҕа тиэрдиэҕэ. Ол эрээри докумуону толорууга болҕомтолоох буол. Санааҕын сааһылаа.

Чубуку

Суолталаах көрсүһүүлэри барытын нэдиэлэ ортотугар көһөрө сатаа. Саҥа ылсыбыт дьыалаҥ түмүктэрин хойут билиэҥ.

Күрүлгэн

Ситиһиилээх күннэр дьэ үүнүөхтэрэ. Эн да балачча хара сурааһынтан сылайбыккын. Үп-харчы кэтэспэтэх өттүгүттэн кэлиэн сөп.

Балыктар

Тугу истибиккин барытын итэҕэйэн иһимэ. Суолталаах улахан дьыаланы уталытар ордук. Ис санааҕын иһит.