Нерюнгри 1 №-дээх гимназията үбүлүөйдээтэ

Бу үөрүүлээх күҥҥэ СӨ Бырабыыталыстыбатын Бэрэссэдээтэлэ Кирилл Бычков кыттыыны ылла.

Гимназия устуоруйата 1990-с сыллар саҥаларыттан, биридимиэттэри дириҥэтэн үөрэтэр үөрэх тэрилтэтин тэрийэр туһунан быһаарыы ылыллыаҕыттан саҕаланар. Анатолий Свистовскай көҕүлээбит, педагогтар уонна куорат сэбиэтэ өйөөбүттэр.

—Нерюнгрига 1990-с сыллар саҥаларыгар гимназия тэриллиитэ үөрэх тиһигин сайыннарыыга улахан суолталаах хардыынан буолбута. Бу ааспыт сылларга тэрилтэ бэйэтин үгэстэрин, үөрэх быраактыкаларын тиһиктээхтик тэрийдэ, — диэн Кирилл Бычков бэлиэтиир. 2015 сылтан гимназия үлэтэ өрөспүүбүлүкэ минеральнай-сырьевой баазатын сайыннарыыны кытта сибээстээх геолог Саима Каримова аатын сүгэр.

—Ханнык баҕарар оскуолаҕа сүрүн дьонунан учууталлар буолаллар. Кинилэр үлэлэриттэн оҕолору үөрэтии уонна иитии түмүгэ тутулуктаах, — диэн Кирилл Бычков тоһоҕолоон бэлиэтиир.

Гимназия мультимедийнэй тэрилинэн хааччыллыбыт үөрэтэр хостордоох, компьютернай кылаастардаах, бибилэтиэкэлээх, оҕо көҕүлээһинин киинэ баар, бассейннаах, спортивнай саалалаах. Математиканы, нуучча уонна омук тылларын, химияны, биологияны уонна информатиканы дириҥэтэн үөрэтэллэр.

—Гимназияны  бүтэрээччилэр ортолоругар — Бүтүн Арассыыйатааҕы олимпиадалар призердара, мэтээл хаһаайыттара, дойду бастыҥ үрдүк үөрэҕин кыһаларын устудьуоннара бааллар. Бу түмүктэр кэлэктиип уонна үөрэнээччилэр тиһиктээх үлэлэрин түмүгүн көрдөрөллөр, — диэн Бырабыыталыстыба Бэрэссэдээтэлэ этэр.

Тэрилтэ үлэлиирин устатыгар 200-тэн тахса выпускник кыһыл көмүс уонна үрүҥ көмүс мэтээллэринэн наҕараадаламмыттар. Биэс үөрэнээччи оскуола оҕолорун Бүтүн Арассыыйатааҕы олимпиадаларын түмүк түһүмэҕин призердара буолбуттар. Выпускниктар РФ үрдүк үөрэҕин кыһаларыгар үөрэхтэрин салгыыллар.

Сиһилии: https://www.sakha.gov.ru/news/26257

СӨ Ил Дарханын уонна Бырабыыталыстыбатын пресс-сулууспата