Хаартыска: pxhere.com саайтан.
Бу сыл сааскы-сайынҥы кэмигэр «Нерюнгри аэропорда» филиалга саҥа маршрут арыллар диэн СӨ Тырааныспарга уонна суол хаһаайыстыбатыгар министиэристибэтэ иһитиннэрдэ.
Рейстэри Владивосток – Благовещенск – Нерюнгри – Благовещенск – Владивосток хайысханан көтүүгэ субсидия ылбыт «ИрАэро» авиакомпания оҥоруоҕа. Пассажирдары ыам ыйын 31 күнүттэн алтынньы 18 күнүгэр диэри нэдиэлэҕэ биирдэ, өрөбүл күннэргэ, Sukhoi Superjet 100 аныгы салгын суудуналарынан таһыахтара.
Тырааныспар министиэристибэтэ бэлиэтээбитинэн, маршрут арыллыыта Саха сирин авиационнай ситимин сайыннарарга туһуланар уонна Нерюнгри тырааныспарынан тиийимтиэтин биллэ үрдэтиэҕэ. Бу дьыалабыай уонна туристыы айаннарга эбии кыахтары үөскэтиэҕэ, Уһук Илин сүрүн куораттарын кытта сибээһи судургутутуоҕа.
Санаттахха, Нерюнгри аэропордун саҥа аэровокзалын комплекса 2023 сыл бүтүүтэ «Тырааныспар инфраструктуратын саҥардыы» нацбырайыак чэрчитинэн арыллыбыта.
«Саҥа дьыл иннинэ биһиги өрөспүүбүлүкэбит тырааныспарын инфраструктуратын устуоруйатыгар күүтүүлээх уонна ураты суолталаах түгэн үүннэ. Биһиги уопсайа 9 тыһ. кв. м иэннээх Нерюнгри куорат аэровокзалын комплексын саҥа, аныгы дьиэтин арыйдыбыт. Бу «Тырааныспар инфраструктуратын саҥардыы» нацбырайыагы олоххо киллэрии чэрчитинэн саҥардыллыбыт Саха сирин 10-с аэропорда буолар», — диэн СӨ Ил Дархана Айсен Николаев бэлиэтээбитэ.
Саҥа дьиэ тутуллубутунан дьону аһарар кыаҕа үс төгүл үрдээн, 300 киһиэхэ диэри улаатта. Ону тэҥэ 2021 сыллаахха Нерюнгри аэропордугар көтөр-түһэр балаһаны саҥардыы түмүктэммитэ. Уһуна 3,6 тыһ. м, кэтитэ 45 м. Билигин аныгы салгын суудуналарын бары көрүҥнэрин көрсөр кыахтаах.
Арассыыйа Бэрэсидьиэнэ Владимир Путин 2025 сыл бэс ыйын 6 күнүгэр Нерюнгри аэропордугар Гавриил Чиряев аатын иҥэрэр туһунан Ыйаахха илии баттаабыта. Сиһилии: https://www.sakha.gov.ru/news/26268
Дьокуускай мээрэ Евгений Григорьев уонна «Яндекс» хампаанньа эрэгийиэннэри кытта үлэлээһиҥҥэ дириэктэрэ Антон Москаленков бииргэ үлэлээһиҥҥэ…
Бүтэһик чуораан чугдаарбытын, эксээмэннэри туттарбыт кэннэ ороскуоттаах бырааһынньыктар саҕаланаллар. Бу бырааһынньыктарга бэлэмнэнии сыл инниттэн саҕаланар.…
Төһө да «ыт — киһи доҕоро” диэтэрбит, ордук куорат сиргэ, ыттаах-куоскалаах аһара элбээн, тулалыыр эйгэ санитарнай…
Ил Түмэн Бэрэссэдээтэлэ Алексей Еремеев салайааччылаах Саха сирин дэлэгээссийэтэ Луганскай Норуодунай Өрөспүүбүлүкэҕэ «Муниципальнай тэриллиилэргэ Ийэ…
Суорун Омоллоон аатынан Опера уонна балет тыйаатырын сүрүн артыыһа, умсугутуулаах уобарастары кыайа-хото тутар, опера артыыһын…
Саха омук мусукаалынай култууратыгар уһулуччулаах кылааты киллэрбит композиторбыт, Кэбээйи улууһуттан төрүттээх Захар Степанов төрөөбүтэ 95…