Нерюнгри улууһугар суол быһылаана таҕыста

Ахсынньы 12 күнүгэр эбиэттэн киэһэ 16 чаас саҕана 378-Нерюнгри айан суолугар суол быһылаана таҕыста.

Бу туһунан Госавтоинспекция пресс-сулууспата суруйар. 1998 с.т. суоппар «Тойота-Витц» мааркалаах массыынатын 378-Нерюнгри айан суолунан айаннаан иһэн 5 км. утары балаһаҕа тахсан биэрбит. Түмүгэр «Тойота Аллион» массыынаны кытта харсыспыт. 1980 с.т. суоппар уонна  1988 с.т. пассажир дьахтар курунан баанан олорбут буоланнар улаханнык эмсэҕэлээбэтэхтэр.

Быһылаан буолбут сиригэр Госавтоинспекция уонна суһал мэдиссиинэ көмөтүн биригээдэтэ үлэлээтилэр. Саахал түмүгэр пассажир дьахтар Нерюнгритааҕы киин балыыһаҕа киирбит. Саахал тахсыбыт чахчытынан бэрэбиэркэ ыытыллар.