Нерюнгри хомусчуттара Олоҥхо ыһыаҕар сүрэхтэннилэр

Бүгүн, от ыйын 4 күнүгэр, Олоҥхо ыһыаҕар айар кэлэктииптэрэ араас күрэстэргэ кытта сылдьаллар.

Кэрэхсэбиллээҕэ баар, Нерюнгри олохтоохторо бииртэн биир сонун сүүрээни көрдөрөн, ыалдьыттарын бэркэ соһуттулар. Ол курдук, Анна Лозовец салайар «Узоры Севера» хомусчуттар ансаамбыллара куонкуруска кыттаары бэлэмнэнэ туралларын көрө-көрө, тохтоон аастылар.

Кырдьык, киһи ааһа барбат кэрэхсэбиллээх көстүү. Фольклорнай ансаамбыл тэриллибитэ биир сыл буолбут. Интэриэһиргээн, кэлиҥҥи ыйдарга ансаамбыл кэккэтин хаҥатааччы элбээн иһэр эбит. Нерюнгри хомусчуттара бүгүн Олоҥхо ыһыаҕар аан бастаан сүрэхтэннилэр. Мантан инньэ, бу ансаамбыл улууһун чиэһин көмүскүү сыл аайы хомус күрэҕэр кыттыа турар.