СИА хаартыската
Кинилэр түөкүттэр албыннарыгар киирэн биэрбиттэр.
Ол курдук, 64 саастаах мэхээнньиккэ төлөпүөннээн инвестиционнай ааҕыныстыбаттан эрийбит аатырбыттар. Киниэхэ харчытын барыстаахтык уурдаран ылыан сөбүн туһунан эппиттэр. Салгыы, буоларын курдук, «менеджер» ыйыытынан-кэрдиитинэн эмсэҕэлээччи 200 тыһ.солк. мунньуммут харчытын эппит нүөмэрдэригэр ыыппыт. Түөкүттэр онно сөп буолбаккалар, аны, 3 000 000 солк. кирэдьиит ылан барыстаахтык уурдарыан сөбүн туһунан эппиттэр. Дьолго, эмсэҕэлээччи бу харчыны кыайан ыыппатах. Тоҕо диэтэххэ, баан үлэһиттэрэ куод тылын ыйыппыттарыгар, хата, бу киһи умнан кэбиспит. Онтуката көмөлөөх буолан тахсыбыт. Ол кэнниттэн кини мобильнай сыһыарыытыгар киирэн көрбүтэ, каартатын нүөмэрэ сыһыарыыттан сүтэн хаалбыт, онно эрэ кини түөкүттэргэ түбэспитин билбит. Сарсыныгар бааҥҥа тиийбитигэр, оператор кини уорбалааһынын бигэргэппит.
Оттон Беркакит олохтооҕо, 53-тээх дьахтар интэриниэккэ рекламаны көрөн баран, харчылаһыан баҕарбыт. Онно киирэн сайаапкаҕа төлөпүөнүн нүөмэрин хаалларбыт. Ол кэнниттэн киниэхэ эр киһи эрийбит уонна харчылаһар кыах баарын туһунан «сырдаппыт». Эмсэҕэлээччи дьахтар бу киһи олус эйэҕэстик кэпсэтэрин, анал тиэрминнэри туттарын иһин сэргээбит, сэҥээрбит. Дьэ уонна эрэнэн, бу киһи тугу этэрин толорбутунан барбыт. Туруорбут сыһыарыытыгар дохуота улаатарын көрөн, харчытын ыытан испит. Онон түөкүттэргэ түбэспитин өйдүөр диэри, уопсайа 978 000 солк. ыыппыт,
Бэлиэтээтэххэ, бу икки түгэҥҥэ эмсэҕэлээччилэр түөкүттэр ыйыыларын-кэрдиилэрин толорон «Market» сыһыарыыны туруоруммуттар.
Полиция үлэһиттэрэ дөбөҥнүк уонна чэпчэкитик харчылаһар диэн суоҕун санаталлар, онно угуйар рекламаларга итэҕэйимэҥ, билбэт дьоҥҥут төлөпүөнүнэн эрийэн ыйалларын-кэрдэллэрин толорумаҥ, араас сыһыарыылары төлөпүөҥҥүтүгэр туруорунумаҥ, ыыппыт сигэлэригэр кииримэҥ диэн сэрэтэллэр.
СӨ ИДьМ Нерюнгритааҕы отделениета
Өлүөхүмэ улууһун Кыыллаах нэһилиэгин олохтоохторун күүһүнэн уһуллубут «Тулаайах кыыс» киинэ көрөөччү дьүүлүгэр таҕыста. Уус-уран киинэ…
2026 сыл саҕаланыаҕыттан Арассыыйаҕа дьиэ кэргэҥҥэ аналлаах нолуоктан төлөбүр баар буолуоҕа. Бу туһунан сенатор Игорь…
Бүгүн, Норуот сомоҕолоһуутун күнүгэр, Арассыыйа Бэрэсидьиэнэ Владимир Путин дойдубут култуурунай нэһилиэстибэтин харыстыырга уонна элбэх омук…
Бүгүн, сэтинньи 4 күнүгэр, Дьокуускайга «Арассыыйа – мин устуоруйам» историческай паарка аттыгар байыаннай дьайыы зонатыттан…
Бүгүн – Норуот сомоҕолоһуутун күнэ. Оттон Арассыыйаҕа бырааһынньык диэн өрүү баай астаах остуолу кытта ситимнээх.…
Москваҕа Арбатскай-Покровскай лииньийэҕэ «Уһук Илин экспреһэ» диэн пуойас сүүрэн саҕалаата. Бу пуойас Норуот сомоҕолоһуутун күнүгэр…