Нерюнгри куоракка 100 мөлүйүөнү биэриэхтэрэ

Ил Дархан Айсен Николаев Ил Түмэҥҥэ туһаайан этиитигэр үлэ-хамнас бары хайысхаларын таарыйда, сыл түмүгүн таһаарда, өрөспүүбүлүкэ кэлэр сылларга сайдар оҥкулларын торумнаата.

Кини Дьокуускай куорат биллэ тупсубутун, Ленин болуоссата, Роман Дмиитриев аатынан кытыл уулусса сөргүтүллүбүтүн бэлиэтээтэ. Эһиил Арктикатааҕы ускуустуба киинэ тутуллан бүттэҕинэ, Сайсары күөл кытыла толору саҥардыллыаҕа. Кини бу үлэ тэтимэ бытаарыа суохтаах диэн эттэ.

2025 сылга Нерюнгри куорат 50 сылын туолар. Бу үбүлүөйдээх сылы көрсө Култуура паарката саҥардылынна. Олоҥхо ыһыаҕа ыытыллыаҕа, онно элбэх тутуу барара күүтүллэр.
Ил Дархан Нерюнгри куорат үйэ аҥаардаах үбүлүөйүн көрсө тиэргэннэри, уопсастыбаннай миэстэлэри тупсарарга 100 мөлүйүөн солкуобайы биэрэбит диэн эттэ.