Нерюнгри куоракка оҕолор сүһүрдүлэр

Нерюнгри куоракка оҕолор «маассабай» сүһүрүүлэрэ таҕыста диэн  иһитиннэрии бүгүн сарсыарда социальнай ситимнэринэн, мессенджердэринэн тарҕанна.

СӨ Доруобуйа харыстабылын министиэристибэтэ иһитиннэрбитинэн, Нерюнгри куоракка бассейнҥа оҕолор хлортан сүһүрбүттэр.
Нерюнгри киин балыыһатын отделениетыгар суһал көмөнөн 11 оҕо киирбит. Икки оҕо бэйэлэрэ көрдөрүнэ кэлбиттэр.

Оҕолору быраастар көрөн, мэдиссиинискэй көмө оҥорбуттар.  Оҕолор туруктара этэҥҥэ. Амбулаторнай эмтэниини ааһыахтара диэн туһааннаах министиэристибэ ТГ ханаалыгар иһитиннэрдэ.