NeruInfo ТГ-ханаал
Сэтинньи 13-18 күннэригэр Кытай Хайнин куоратыгар гиирэ успуордун Аан дойдутааҕы чөмпүйэнээтэ буолан ааста. Күрэхтэһиигэ 27 дойдуттан 300-тэн тахса күрэсчит кытынна. Кыттааччылар юниордар, профессионаллар, сөбүлээн дьарыктанааччылар уонна бэтэрээннэр категорияларыгар күрэхтэстилэр, диэн NeruInfo ТГ-ханаала суруйар.
Арассыыйа сүүмэрдэммит хамаандатын састаабыгар Нерюнгриттан күрэсчиттэр кытыннылар.
Мария Морозова, 58 киилэҕэ диэри ыйааһыҥҥа дьахталлар-сөбүлээн дьарыктанааччылар категорияларыгар Индия, Сингапур, Индонезия уонна Тайвань утарсааччыларын баһыйан, кыһыл көмүс мэтээли ылла; итиэннэ 35-39 саастаах дьахтар-бэтэрээннэр категорияларыгар кыһыл көмүһү ылан, бу ыйааһын категориятыгар Аан дойду чөмпүйүөнэ буолла.
Оттон Александр Черкашин, 95 киилэттэн үөһэ ыйааһыҥҥа эр дьон-сөбүлээн дьарыктанааччылар категорияларыгар 24 киилэлээх гиирэни анньыыга чмпүйүөн аатын ылла, салгыы 40-45 саастаах эр дьон-бэтэрээннэр категорияларыгар 24 киилэлээх гиирэни анньыыга Монголияттан, Казахстантан уонна Узбекистантан сылдьар утарсааччыларын кытта киирсэн, Аан дойду чөмпүйэнээтин үрүҥ көмүс призерунан буолла.
«Маннык үрдүк таһымнаах күрэххэ биһиги бастакы холонуубут этэ, онно биһиги Арассыыйа сүүмэрдэммит хамаандатын састаабыгар кыттан, дойдубут чиэһин эрэ буолбакка, Нерюнгри оройуонун аатын эмиэ көмүскээтибит. Ити олус долгутуулаах уонна ону кытта эппиэтинэстээх этэ, санаабыт-онообут кыайыыга эрэ туһуламмыта. Уонна биһиги ону ситистибит», — диэн тириэньэр Мария Морозова санаатын үллэһиннэ. Күрэсчиттэр Нерюнгри оройуонугар, ону таһынан гиирэ успуордун Аан дойдутааҕы чөмпүйэнээтигэр баран кэлэргэ көмөлөрүн иһин Нерюнгри оройуонун дьаһалтатыгар махталларын тиэрдэллэр.
Бүгүн, тохсунньу 7 күнүгэр, өрөспүүбүлүкэ илин, соҕуруулуу-илин өттүгэр сөҥүү түһэрэ күүтүллүбэт. Мантан атын оройуоннарга кыралаан…
Саҥа дьыллааҕы бырааһынньыктар түмүктэнэн, симэммит харыйалары хомуйар кэм чугаһаата. Астрологтар маннык күннэргэ харыйаны хомуйары сүбэлииллэр:…
Судаарыстыбаннай Дуумаҕа дьиэ кэргэҥҥэ үһүс уонна онтон кэлэр оҕолор төрөөтөхтөрүнэ дьиэ кэргэн ипотекатын ыстаапкатын намтатар…
Бэрэсидьиэн академиятын эспиэрэ Татьяна Подольская быйыл уоппускаҕа барарга саамай барыстаах ыйдары эттэ. Кини иһитиннэрбитинэн, биэс…
Ороһуоспа бырааһынньыгар остуолга ууруллар ас-үөл дойду эрэгийиэннэринэн араастаһыан сөп эрээри, бырааһынньыгы көрсө үгүс хаһаайкалар маннык…
Ааспыт сылга Дьокуускай куорат Гагарин уокуругар ханна да суох улахан уонна аныгы тутуулаах СМАРТ-поликлиника үлэҕэ…