Нерюнгри олохтооҕо 300 тыһ. солк. харчытын уордарбыт
Нерюнгри олохтооҕо 300 тыһыынча солкуобайын сүтэрбит. Киниэхэ түөкүттэр уот счетчиктарын уларытабыт диэн эрийэн тахсыбыттар.
Ол курдук, бастаан киниэхэ биллибэт киһи эрийбит уонна уот счетчигын уларытар наадалааҕын туһунан иһитиннэрии тиийбитин-суоҕун туһунан туоһуласпыт. Салгыы түөкүн электроннай уочаракка туруоххутун наада диэн быһаарбыт, ол туһугар Судаарыстыбаннай өҥө нөҥүө кэлбит смс-коду этэр наадалаааҕын туһунан быһаарбыт.
Эр киһи түөкүттэр бары ыйыыларын толорбутун кэннэ, «Судаарыстыбаннай өҥө порталын тус кабинетыгар киирбэт буолбут. Ол кэннэ киниэхэ «баан үлэһитэ» уонна «силиэдэбэтэл» буолан кубулунан түөкүттэр эрийэн тахсыбыттар уонна кини аатырар кирэдьииккэ 11 сайабылыанньа түспүтүн, баан атын счетугар харчыны көһөрөргө дьаһайбыттар. Аферистар дьайыыларынан Нерюнгри олохтооҕо ууруммут харчытын барытын сүтэрбит.
Сообщить об опечатке
Текст, который будет отправлен нашим редакторам: