Хаартыска: NeruInfo ТГ-ханаал
Бэс ыйын 3 күнүгэр Нерюнгри оройуонун ытык кырдьаҕаһа Анастасия Александровна Кудрина 100 сааһын бэлиэтээтэ.
100 хаарыгар үктэммит кырдьаҕаска «Үйэ саас» үрдүк бэлиэни Нерюнгри оройуонун социальнай боппуруостарыгар баһылыгы солбуйааччы Александр Прокопьев туттарда. Бу туһунан NeruInfo ТГ-ханаал иһитиннэрэр.
Ону таһынан Нерюнгритааҕы социальнай управление үлэһиттэрэ Анастасия Александровнаҕа Арассыыйа Бэрэсидьиэнэ Владимир Путин уонна Ил Дархан Айсен Николаев эҕэрдэлэрин туттардылар. Үбүлүөйдээх аҕам саастаахха 100 сааһын көрсө саамай сылаас, истиҥ баҕа санаалары эттилэр, сибэкки дьөрбөтүн биэрдилэр.
Кудрина Анастасия Александровна 1925 сыллаахха Воронежскай уобалас Бротки дэриэбинэтигэр күн сирин көрбүт. Оскуолаҕа 4 кылааһы бүтэрбит. Алдан куоракка көһөн кэлбитигэр, 1941 сыллаахха Аҕа дойду Улуу сэриитэ саҕаламмыт. Ол кэмҥэ Анастасия Александровна көмүс хостооһунунан дьарыктаммыт. Ол кэмҥэ Алдаҥҥа көмүһү хостооһун бырамыысыланнай буолбатах этэ. Кыайыы кэнниттэн Анастасия бириискэҕэ өссө сүүрбэччэ сыл үлэлээбит. 1963 сыллаахха Дьокуускайга көһөн кэлбит. Дьокуускайга Анастасия Александровна «Якутгорпищеторг» атыы- эргиэн баазатыгар үлэлээбит. 1986 сыл от ыйыгар сынньалаҥҥа тахсыбыт. Оттон 2019 сылллаахха 94 саастаах Анастасия Александровна сиэнэ Владимир Анатольевичтыын бииргэ Нерюнгри оройуонун Серебряный Бор бөһүөлэккэ көспүттэр.
Билигин Нерюнгри оройуонун ытык кырдьаҕаһа биэс сиэннээх, сэттэ хос сиэннээх.
Быыбар күнүн бастакы түмүктэрин хотугулуу-илиҥҥи улуустар биэрэллэр. Муома улууһун Соболоох нэһилиэгин баһылыгын быыбарыгар барыллаан ааҕыынан,…
Александра Григорьева-Сандаарыйа «Күн тахсыыта» диэн ааттаан саҥа кинигэни бэлэмнээбитин умсугуйан туран аахтым, уһуну-киэҥи толкуйдаатым, уруккуну-хойуккуну…
Бүгүн, балаҕан ыйын 14 күнүгэр, Дьокуускай куорат күнүгэр, Аҕа дойду Улуу сэриитин кыттыылааҕа, Дьокуускай куорат…
Бу киэһэ 18:00 ч дааннайынан, быыбардааччылар 38,99% куоластаата. Улуус баһылыктарын быыбарыгар: Өлөөн оройуона – 60,26%,…
Арыгы атыыта бэрээдэктээһин, сымыйа кафелары уонна «наливайкалары» утары охсуһуу салҕанарын туһунан Дьокуускай куорат мэрэ Евгений…
Хаҥалас улууһун 627 №-дээх быыбардыыр учаастакка Валерий Аркадьевич уонна Галина Акимовна Тетериннэр дьиэ кэргэннэрэ куоластаата.…