Нерюнгри олохтооҕо түөкүттэргэ итэҕэйэн уурунуутуттан матта

Нерюнгри куорат 73 саастаах олохтооҕо полицияларга кэпсээбитинэн, киниэхэ  Киин баантан тиийдибит диэн төлөпүөнүнэн эрийбиттэр.

Эрийээччи киһи кимэ биллибэт дьон дьахтар харчытын ыларга уонна кини аатыттан кирэдьиит ыларга соруммуттар, онуоха баан үлэһиттэрэ кыттыгастаахтарын курдук “сэрэппит”.

Дьахтар албыннааһын итинник схемата баарын төһө да биллэр, тоҕо эрэ, эрийбит эр киһиэхэ итэҕэйбит уонна кини тугу этэрин толорорго сөбүлэспит. Ол эбэтэр 1 276 600 солкуобай суумалаах уурунуу харчытын устубут уонна эр киһи эппит счетугар ыыппыт, ону сэргэ 300 тыһыынча суумаҕа кирэдьииттэммит. Ону эмиэ түөкүттэр счеттарыгар ыытыахтаах этэ да сатамматах. Тоҕо диэтэххэ, баан сыһыарыыта сабыылаах буолан биэрбит.

СӨ Ис дьыалаҕа министиэристибэтэ “куттала суох” счеттар суохтарын, билбэт дьоҥҥут ыйыыларын-кэрдиилэрин толорор сыыһатын санатар.