Нерюнгри олохтооҕо түргэнник харчытын үлүннэрэн ылаары улахан иэскэ киирдэ

Нерюнгри оройуонун бырамыысыланнай тэрилтэтин 51 саастаах суоппара инвестицияҕа ый устата 3 мөлүйүөнтэн тахса сууманы түөкүттэр счеттарыгар ыыппыт.

Социальнай ситимнэринэн эр киһи толуйуу харчытын биэрэллэрин туһунан биллэриини көрбүт уонна ыйыллыбыт сигэнэн киирбит. Сотору кинини кытта сибээскэ инвестицияҕа үп-харчы уган дохуотун эбии улаатыннарарга түөкүттэр тахсыбыттар.

Киирбит этиини интэриэһиргээн, эр киһи харчыны баһан ылаары «брокерга» итэҕэйбит. Аферист угаайыытынан улахан бонустары ылаары, эмэсэҕэлээччи хас да кирэдьиити ылбыт, билэр киһиттэн эбии иэс харчы ылбыт уонна улахан суума харчыны түөкүттэр ыйбыт счеттарыгар ыыппыт. Хоромньу суумата 3 118 000 солк. тэҥнэспит. Ол түмүгэр барыстаныан оннугар, Нерюнгри олохтооҕо улазан кирэдьииккэ уонна иэскэ баайыллыбыт.