Нерюнгри олохтооҕун экстремистскэй матырыйааллары тарҕатыы иһин хаайдылар

Нерюнгри оройуонун суутун уурааҕынан бобуулаах экстремистскэй символиканы уонна социальнай ситимнэргэ матырыйааллары тарҕатыыга 34 саастаах олохтоох киһи административнай эппиэтинэскэ тардылынна. Буруйдаах эр киһи икки нэдиэлэ устата хаайыыга сытыаҕа.

Куйаар ситимин көрүү түмүгэр Саха сиринээҕи ИДьМ үлэһиттэрэ быраабы утары контены тарҕатар аһаҕас аккауну булбуттар. Туһанааччы 2017 сылтан испииһэккэ киллэриллибит экстремистскэй лозуннары, символикалары таһаарбыт.

Участковайдар нацистскай символиканы тарҕатыы уонна экстремистскай матырыйаалларын угуу иһин административнай боротокуоллары оҥордулар. Дьыаланы суут көрдө. Нерюнгри суута эр киһини 13 суукка устата хаайарга уонна ыстарааптыырга уураахтаата.