Хаартыска: moyidorogi.ru
Саха Өрөспүүбүлүкэтин Үрдүкү суута Нерюнгри куорат суута буруйдааҕынан билиниллибит 30 саастаах дьахтарга бириигэбэрин оннунан хаалларда. Ол курдук, буруйданааччы РФ Холуобунай Кодексатынан 210 тыһ. солк. ыстарааптанар уонна икки сылга диэри тырааныспар бары көрүҥнэрин ыытарга бырааба быһыллар. Оттон буруйданааччы «Тойота Приус» мааркалаах массыыната судаарыстыба дохуотугар былдьанна.
Бу туһунан Саха Өрөспүүбүлүкэтин Үрдүкү суутун пресс-сулууспата иһитиннэрэр.
Суут быһаарыытынан, былырыын балаҕан ыйын 29 күнүгэр киэһэ Нерюнгри оройуонун ГИБДД инспектора Чульман бөһүөлэккэ «Тойота Приус» мааркалаах массыына суолга түргэн сырыылааҕын бэлиэтэбит. Федеральнай трасса 398 км массыына уруулугар итирик туруктаах дьахтар тутуллубут. Бу иннинэ арыгыны иһии туругун бэрэбиэркэлээһини ыытар боломуочуйалааҕа ирдэбилинэн, дьахтар сокуон ирдэбилин толорботох уонна административнай эппиэтинэскэ тардыллыбыт. Ити кэннэ дьахтар 30 тыһ. солк. суумаҕа ыстарааптаммыт уонна биир сыл алта ый болдьоххо уруулга олорор бырааба быһыллыбыт. Бириигэбэри кытта сөбүлэспэккэ, буруйданааччы дьахтар массыынаны төннөрөргө соруммут. Апелляционнай инстанция суута холуобунай дьыала матырыйаалларын үөрэтэн баран, апелляционнай үҥсүү түһэриллибитгэр суут бириигэбэри уларытыыга аккаастаата уонна Нерюнгри суутун бириигэбэрин күүһүгэр хаалларда.
Бу күннэргэ Саҥа дьыл сүпсүлгэнэ саҕаланаары турар буолан, ас ырыынактарыгар испииһэк тутуурдаах дьон үксээбит. Өрүс…
“Дьоруойдар кэмнэрэ” бырагыраамаҕа кыттар сайаапкалары почтанан ылыы саҕаланна. Бу -- бырагыраама иккис түһүмэҕэ. Сайаапкалары билигин…
LETO куорат эйгэтин тупсаҕай оҥоруу киинэ Сэбиэскэй Сойуус Дьоруойа Федор Попов пааматынньыгын эскииһин оҥорууга күрэс…
Бу сыл ахсынньы 11 күнүгэр Былатыан Ойуунускай аатынан судаарыстыбаннас түмэлигэр киэн туттар биир дойдулаахпыт, комсомольскай,…
Филиппиныттан уонна Таилантан ахсынньы 14 күнүгэр ыытыллар «Вызов Севера» күрэхтэһиигэ кыттар боксердар бүгүн Дьокуускайга саамай…
Саха сиригэр анал байыаннай дьайыы кыттыылаахтарыгар уонна кинилэр дьиэ кэргэттэригэр анаан "Е-Якутия" порталга «Забота» электроннай…