Нерюнгри оройуона бырамыысыланнас сайдыытыгар кырата суох өҥөлөөх

Билэрбит курдук, ааспыт сылга, ханнык да хааччахтары, сааҥсыйалары, ыарахаттары аахсыбакка, Саха сирэ бырамыысыланнаска 10% үрдүк көрдөрүүлээх тахсыбыта.
Өрөспүүбүлүкэ бырамыысыланнай көрдөрүүтүн үүнүүтэ Арассыыйаҕа биир бастыҥнара буолбута диэн Ил Дархан Айсен Николаев «Саха» национальнай көрдөрөр-иһитиннэрэр хампаанньатын быһа эпииригэр кэпсээтэ.
Ааспыт сылга туһалаах сир баайын хостооһуҥҥа муҥутуур көрдөрүүнү ситиспиппит.
«Ааспыт сылга дойдуга бүрүүкээбит ыарахан кэми аахсыбакка, биһиги бырамыысыланнас салаатыгар үрдүк көрдөрүүнү ситиспиппит. Саха сирэ сир анныттан хостонор баайы туһаҕа таһаарыы соругун толоруута – судаарыстыба экэнэмиичэскэй тыылын оҥоруу буолар. Аҕа дойду сэриитин кэмигэр Саха сирэ көмүһүнэн, түүлээҕинэн көмөлөһөн кыайыыны уһансыбыта, биһиги билигин дойдуга улахан суолталаах экэниэмикэни туруктаах оҥоруохтаахпыт», — диэтэ Айсен Николаев.
Ааспыт сылга биһиги иннибитигэр турбут соругу чиэстээхтик толорбуппут, дойду үрдүнэн бырамыысыланнас 10 % үрдүүрүн ситиспиппит. Ол курдук көмүс, чох, ньиэп хостооһунугар историческай рекорду олохтоотубут диэн Ил Дархан бэлиэтээтэ.
Сообщить об опечатке
Текст, который будет отправлен нашим редакторам: