Хаартыска -- СӨ култуура уонна духуобунас сайдыытын министиэристибэтин пресс-сулууспата.
От ыйын 4-5 күннэригэр Нерюнгри оройуонугар аан бастаан өрөспүүбүлүкэтээҕи Олоҥхо Ыһыаҕа ыытыллыаҕа.
Суолталаах тэрээһин «Ытык хайалар туралларын тухары, аан дойду эстиэ суоҕа» («Пока cтоят священные горы – мир не рухнет») ыҥырыы тылынан ыытыллыаҕа. Ыһыах тэрээһинигэр Улуу Кыайыы 80 сыллаах үбүлүөйдээх сылыгар анаммыт 1944-1945 сыллардааҕы ыһыахтары холобурдуохтара, Аҕа дойду көмүскээччилэрин ахтан ааһыахтара. Элбэх омук түөлбэлээн олорор сирин былыр-былыргыттан күн бүгүҥҥэ диэри өрөспүүбүлүкэ норуоттарын ассамблеятын олохтоох салаатын 17 общината бэйэлэрин норуоттарын култуураларын кытта билиһиннэриэхтэрэ.
“Олоҥхо Ыһыаҕа Нерюнгри куорат 50 сыллаах үбүлүөйүгэр, ону тэҥэ Аҕа дойду Улуу сэриитигэр Кыайыы 80 сыллаах үбүлүөйдээх сылыгар ананан ыытыллыаҕа. Оройуон олохтоохторун култуурунай үгэстэрин араас көрүҥнэрин түмүөҕэ. Бары кыттааччылар өрөспүүбүлүкэ норуоттарын култуурунай нэһилиэстибэтин харыстыырга, элбэтэргэ баҕа санааларын көрдөрөр бырааһынньык үрдүк таһымнаахтык тэриллиэҕэр бигэ эрэллээхпин, диэн бэлиэтээтэ СӨ култуураҕа уонна духуобунай сайдыыга миниистирэ Афанасий Ноев.
Олоҥх Ыһыаҕар анаан «Амикан» диэн спортивнай-сынньалаҥ паарката тутулла турар. Тэрээһиннэр 19 былаһааккаҕа тэҥинэн ыытыллыахтара. Идэтийбит култуура үлэһиттэриттэн 156 куонкурус уонна култуура бырагыраамаларын куратордара быһаарылыннылар. Былаан быһыытынан «Олоҥхону ааҕыы» IV өрөспүүбүлүкэтээҕи марафон ыытыллыаҕа.
Бэстибээл үөрүүлээх аһыллыытыгар уонна сабыллыытыгар 1,5 тыһыынча исписэлиис, ол иһигэр 250 идэтийбит артыыс уонна өрөспүүбүлүкэ бастыҥ самодеятельнай бөлөхтөрө кыттыахтара. Аһаҕас халлаан анныгар сир баайын хостуур тиэхиньикэ мусуойа үлэлэлиэҕэ.
Бэс ыйын 24 күнүттэн Ыһыах култуурунай чааһыгар бэлэмнэнии саҕаланыаҕа. Бырагыраамаҕа 70-тан тахса тэрээһин, ол иһигэр 40 күрэхтэһии киирэр. Олоҥхо Ыһыаҕа буолара икки ыйтан ордук кэм хаалла. Сиэри-туому толорор эбийиэктэр бэлэмнэр, ону тэҥэ сиэр-туом былаһааккатын улахан суолталаах атрибута – ытык мас Аал Луук Мас оҥоһуллар.
Олоҥхо Ыһыаҕар 10-15 тыһыынча кэриҥэ киһи тиийэрэ сабаҕаланар. Билиҥҥи туругунан Нерюнгригэ кэлэрин 25 улуус дэлэгээссийэтэ бигэргэттэ. Ыалдьыттарга 150-тан тахса волонтер көмөнү оҥоруоҕа.
Сиһилии Нерюнгригэ ыытыллар Олоҥхо Ыһыаҕын туһунан: https://minkult.sakha.gov.ru/news/4378 саайтка киирэн билсиҥ.
Хой Хой бэлиэлээхтэргэ тус дьоҕуру сайыннарыыга табыгастаах нэдиэлэ үүммүт. Барыы-кэлии, соһуччу көрсүһүү, билсиһии күүтэр. Бу…
Өрөспүүбүлүкэ баһыйар үгүс оройуоннарыгар кыралаан хаардыаҕа, соҕуруу сөҥүү түһэрэ күүтүллүбэт. Салгын температурата күнүс -2-7°, соҕуруулуу-арҕаа-4,+1°, …
Саха сиригэр дьоҕус уонна орто биисинэһи мэктиэлээһининэн өйүүргэ саҥа бородуукта үлэлээтэ. Бу туһунан Урбааны сайыннарыы…
Дьокуускайга «Спортивнай» түөлбэҕэ сыл бүтүөр диэри элбэх өҥөнү оҥорор успуорт саалатын тутуута түмүктэниэ. «2021 сылтан…
Дьокуускайга алтынньы 24 күнүгэр Саха сиригэр уонна Арассыыйаҕа Ийэ күнүгэр анаммыт тэрээһиннэри ыытыахтара. Саха сирин…
СӨ Ил Дархана Айсен Николаев уонна «Универсальнай университет» (Universal University) АН үрдүк үөрэх тэрилтэтин дириэктэрэ…