Нерюнгри оройуонугар чэпчэтиилээх куортамнааһын бырагырааматынан 252 кыбартыыра үлэҕэ киириэҕэ

Чэпчэтиилээх куортамнааһын мэхэньиисимин сайыннарыы тиэмэтин Нерюнгри оройуонугар буолбут Бырабыыталыстыба отчуотугар көтөхтүлэр.

Бырабыыталыстыба бэрэссэдээтэлэ Кирилл Бычков Серебрянай Бор бөһүөлэк олохтоохторугар отчуоттаата.

Быйыл Нерюнгри оройуонугар чэпчэтиилээх куортамнааһын бырагырааматынан 252 кыбартыыраны үлэҕэ киллэрэр былааннаахтар. Саха сиригэр барыта 810 куортамнанар кыбартыыра тутуллуоҕа, ол иһигэр 283 — Дьокуускайга, 252 — Нерюнгрига, 117 – Алдаҥҥа, 158 — Мииринэйгэ.

“Арендаланар пуонданы ситимнээхтик кэҥэтэн иһэбит. Быйыл Нерюнгри оройуонугар 252 кыбартыыра былааннанар. Бу исписэлиистэр, ыччат кэлэн үлэлииригэр улахан көмөлөөх” – диэн Кирилл Бычков этэр. Чэпчэтиилээх куортамнанар мэхэньиисим дьиэ кэргэни үп-харчы өттүнэн ноҕоруускаттан босхолуур.

“Күн бүгүн икки хостоох кыбартыыра төлөбүрэ арыандаланар ыстаапкаттан үс гыммыт биирэ субсидияланарын суотугар, ыйга 12 тыһ. солк. тэҥнэһэр. Онон социальнай эйгэ үлэһиттэригэр, атыттарга даҕаны табыгастаах” – диэн бэлиэтиир.

Бу туһунан Ил Дархан уонна Бырабыыталыстыба пресс-сулууспата суруйар.