Нерюнгри оройуонугар киһи өлүүлээх суол быһылаана буолла

Бэҕэһээ «Өлүөнэ» федеральнай суолга  «Higer» оптуобус  иннигэр баран иһэр «Shacman» диэн улахан массыынаҕа кэтиллибит. Быһа барыллаан быһаарыынан, оптуобус суоппара куттала суох арыты (дистанцияны) тутуспатах. 

Оптуобус иһигэр 50-тан тахса киһи олорсон испит. Саахалтан 12 киһи эт-хаан араас эчэйииитин ылбыт.  Эчэйбит пассажирдары уонна суоппары тута балыыһаҕа илдьибиттэр.  30 сыл ыстаастаах суоппар ылбыт эчэйиилэриттэн реанимацияҕа быстыбыт. Инники испит улахан массыына суоппара эчэйиини ылбатах.  Суол быһылаанын  силиэстийэлиир кэмитиэт бэрэбиэркэлиир.

ГАИ үлэһиттэрэ кыһын хойуу туманнааҕынан сибээстээн, тимир көлөлөр арыттарын (дистанция) болҕомтоҕо ылан сэрэхтээхтик айанныыры модьуйаллар.