Хаартыска: Андрей Сорокин, ЯСИА.
Ил Дархан Айсен Николаев Нерюнгрига федеральнай уонна эрэгийиэннээҕи стратегическай докумуоннары олоххо киллэрэр мунньаҕы ыытта.
Онно кини олохтоохтор мэдисиинискэй өҥө хаачыстыбатын астыналлара 50% үрдээбитин иһитиннэрдэ.
Бу көрдөрүү 2021 сыллаахха 22% кэриҥэ этэ. Күн бүгүн бу сыыппара 70%-ҥа тиийбит. Бу көрдөрүү 2021-2026 сылларга Нерюнгри оройуонун сайыннарыы туһунан Ил Дархан Ыйааҕын олоххо киллэрии түмүгэр ситиһиллибит, онно биир сүрүн хайысханан доруобуйа харыстабылын сайдыыта буолар. Бу стратегическай докумуон тэрээһиннэрэ РФ бэрэсидьиэнэ Владимир Путин бигэргэппит Нерюнгри куорат маастар-былаанын кытта сөп түбэһэллэр.
“2018 сыллаахха Киин оройуоннааҕы балыыһаҕа киирэн баран кыбыста санаабытым, Саха сиригэр иккис улахан куорат маннык балыыһалааҕыттан. Онно холоотоххо билигин мэдисиинискэй өҥөнөн астыныы өрөспүүбүлүкэ орто көрдөрүүтүн куоһарар. Биллэн турар, диагностикаҕа, ыарыһах көрдөрүнэр бириэмэтигэр, ыарыыны быһаара охсууга үҥсэргээһиннэр бааллар. Ол эрээри эбийиэктэри саҥардыы бара турар, соторутааҕыта дьахтар консультацията аһылынна, ону тэҥэ улахан дьоҥҥо амбулатория аһыллара былааннанар, ол, мин санаабар, балаһыанньаны тупсарыаҕа», — диэн Айсен Николаев санаатын үллэһиннэ.
Нерюнгри маастар-былаана ылылла илигинэ оҕо поликлиниката хапытаалынай өрөмүөнү барбыта. Кэлин маастар-былаан чэрчитинэн балыыһа Б комплексын уонна дьахтар консультациятын саҥардыбыттар. Билигин улахан дьон поликлиникатын, тирии-венерологическай диспансеры, төрөтөр куорпуһу, суһал көмө салаатын, А блогу уларытан оҥоро сылдьаллар. Киин балыыһаҕа анаан сүүһүнэн эмп-томп тээбиринин атыыласпыттар.
Ил Дархан каадырдары аҕалан үлэлэтиигэ оройуон дьаһалтатын үлэтин хайҕаата. “Земскэй доктор” бырагыраама курдук 5 сылга үлэлии кэлэр дьоҥҥо биирдэ бэриллэр 1 мөл.солк. биэрэллэр. Ол түмүгэр 2025 сылга 65 эдэр исписэлиис үлэҕэ ылыллыбыт.
Сүбэ мунньахха Нерюнгри оройуонун сайыннарар атын да боппуруостар көрүлүннүлэр.
Швейцария күрэсчиттэрэ биир күҥҥэ икки кыһыл көмүс мэтээли ылан, уопсай көрдөрүүгэ иккис миэстэҕэ таҕыстылар. Италияҕа…
2018-2025 сылларга Саха сиригэр 62 саҥа култуура эбийиэгэ аһылынна, онтон үгүстэрэ “Култуура” национальнай бырайыак иһинэн…
Олунньу 4 күнүгэр патриотическай тыыны иитии ыйын чэрчитинэн, Саха гимназиятыгар 3-10 кылаастарга кэккэнэн хаамыыны уонна…
Мииринэй оройуонугар Бырабыыталыстыба отчуотугар биир аҥаар тыһыынча кэриҥэ киһи кытынна - бу олохтоохтор үрдүк көхтөөхтөрүн…
Дьокуускай куорат киинигэр массыынаны туруоруу төлөбүрдээх буолуо. Бу саҥа уларыйыыны суол быраабылатын мэлдьи кэһэр суоппардары…
ИДьМ сулууспатын 1 №-дээх полиция отделын дьуһуурунай чааһыгар маркетплейс бэрэстэбиитэлиттэн 200 тыһыынча солкуобайтан тахса суумаҕа…