Нерюнгри оройуонугар «Мин докумуоннарым» киин саҥа офиһа аһыллыа

Сарсын, атырдьах ыйын 16 күнүгэр, Нерюнгри оройуонун Чульман бөһүөлэгэр  «Мин докумуоннарым» киин саҥа офиһа аанын тэлэччи аһыаҕа.

Мантан ыла Чульман олохтоохторо ханна да ыраата барбакка, судаарыстыба өҥөтүнэн тута ылар буолуохтара диэн СӨ Баһылыгын уонна Бырабыыталыстыбатын пресс-сулууспата иһитиннэрэр.

«Чульман бөһүөлэгэр «Мин докумуоннарым» киин саҥа офиһа аһыллыыта – биһиги оройуоммут олохтоохторугар судаарыстыбаннай өҥөлөрү туһаныыны тупсарыыга улахан суолталаах хардыы буолар. Үгүс киһи ирдэнэр докумуоннары ыларга ыарахаттары көрсөрүн өйдүүбүт, онон аны бэйэлэрин бөһүөлэктэрин иһиттэн тахсыбакка, көмө ылар кыахтаннылар. Саҥа офис араас боппуруостары быһаарарга табыгастаах сир буолуоҕар эрэнэбит», — диэтэ Нерюнгри оройуонун «Мин докумуоннарым» киинин начаалынньыга Евгения Мисютина.