Нерюнгри оройуонугар суол саахалыгар икки киһи өлбүт

Ахсынньы 1 күнүгэр киэһээ 18:00 чаас саҕана «Лена» А-360 федеральнай суол 386-с килэмиэтиригэр суол саахала таҕыста.

Барыллаан быһаарыллыбытынан, 1994 с.т. «Nissan Juke» мааркалаах массыына суоппара Чульман бөһүөлэгиттэн Нерюнгри куорат диэки айаннаан иһэн, күн-дьыл усулуобуйатын учуоттаабакка, инники иһэр массыынаҕа кэтиллибит.

Суол саахалын түмүгэр «Nissan Juke» суоппара уонна кини аттыгар олорсон испит кыыс суһал көмө кэлиэн иннинэ быһылаан буолбут сиригэр тыыннара быстыбыт.

Суол быһылаанын чахчытынан бэрэбиэркэ ыытыллар. Быһылаан тахсыбыт сиригэр Нерюнгри куорат борокуруорун эбээһинэһин толорооччу, силиэстийэлиир-эпэрээссийэлиир бөлөх уонна Нерюнгри оройуонун ГАИ үлэһиттэрэ үлэлииллэр, диэн ГАИ управлениетын пресс-сулууспата иһитиннэрэр.