Нерюнгри оройуонугар суол саахалыгар суоппар эчэйбит

Ахсынньы 14 күнүгэр сарсыарда 11 чаас саҕана Амур уобалаһын өттүттэн Нерюнгри диэки хайысханан айааннаан испит массыына кыттыылаах суох саахала таҕыста.

Ол курдук, «Тойота Королла» массыына суоппара утары балаһаҕа тахсан биэрэн «Ивеко» массыынаны кытта харсыста. Бу туһунан Госавтоинспекция пресс-сулууспата иһитиннэрэр.

Быһылаан түмүгэр, суоппар атаҕын уҥуоҕун тоһутан Нерюнгритааҕы киин балыыһа хирургическай отделениетыгар киирбит. Саахал тахсыбыт чахчытынан бэрэбиэркэ ыытыллар.