Хаартыскаҕа Андрей Сорокин түһэриитэ
От ыйын 22 күнүгэр Нерюнгри оройуонугар траур күнэ биллэрилиннэ. Ил Дархан Айсен Николаев «Денисовскай» ГОК үлэһиттэригэр, кинилэр дьиэ кэргэттэригэр кутурҕанын тиэртэ.
«Киэһэ Нерюнгри оройуонугар көтөн тиийэн, иэдээн буолбут сиригэр сырыттым. «Денисовскай» ГОК үлэһиттэрин тиэммит баахтабай оптуобус симиэнэттэн төннөн иһэн, үрдүк суолтан сууллубут. Үлэлээн бүтэн, сылаас дьиэлэригэр сынньана, чугас дьонноругар баран испит дьон соһуччу тыыннара быһыннаҕа. Ким да маннык иэдээни көһүппэтэҕэ. Бу тыллары суруйар олус ыарахан… Кинилэр сүтүктэрин толорор кыахпыт суох. Ол эрээри ыарахан түгэҥҥэ аттыларыгар баар буолуохтаахпыт. Биир да дьиэ кэргэн иэдээнин кытта соҕотох хаалбатын туһугар…
«Колмар» хампаанньа салалтатын, оройуон дьаһалтатын уонна быраабы харыстыыр уорганнары, быыһааччылары, миэдиктэри кытта мунньахха туох көмөнү оҥорор туһунан кэпсэттибит. Билигин биир да чааһы сүтэрбэккэ, сүтүктээх дьиэ кэргэттэргэ көмөбүтүн, болҕомтобутун, кыһамньыбытын тиэрдиэхтээхпит. Билигин психологтар үлэлииллэр, материальнай уонна мэдиссиинэ көмөтө оҥоһуллар. Кэккэ сорудахтары биэрдим, ол иһигэр төрүөтүн быһаарарга, — диэн кини телегграм-ханаалыгар суруйда.
Бүгүн, тохсунньу 10 күнүгэр, биллиилээх суруналыыс, уопсастыбаннай диэйэтэл, РФ суруналыыстарын сойууһун, РФ уонна СӨ суруйааччыларын…
Саха сирин олохтоохторун төлөпүөнүнэн түөкүннээһин саҥа, кутталлаах көрүҥэ тарҕаммытын туһунан сэрэттилэр. Түөкүттэр военкомат аатыттан эрийэн,…
Саҥа дьыллааҕы бырааһынньыктар кэннилэриттэн харыйаны көннөрү бөх контейнерыгар бырахпыт буруйдаахтар хас да тыһыынча солкуобайга диэри…
Дойду үрдүнэн 2026 сылга сааһынан ананар страховой биэнсийэ орто кээмэйэ ыйга 27 тыһыынча солкуобайга тэҥнэһиэ.…
СӨ Борокуратуурата дьиэ-уот быраабын көмүскээһин туһунан тулаайах кыыс сайабылыанньатынан бэрэбиэркэни ыытта. Бу туһунан СӨ Борокуратуурата…
Дойду бырабыыталыстыбата Уһук Илин сүрүн эрэгийиэннэрин эбии үбүлээһининэн өйүөҕэ. РФ бырабыыталыстыбатын бэрэссэдээтэлэ Михаил Мишустин тустаах…