Хаартыска: Мария Руфова тиксэриитэ.
Байыаннай эпэрээссийэҕэ сылдьар дьонноох оскуола үлэһиттэригэр тус аадырыстаах көмө туһунан Нерюнгри куоратын «Арктика» биридимиэттэри дириҥэтэн үөрэтэр гуманитарнай-культурологическай хайысхалаах экспериментальнай интэринээт-оскуолатын дириэктэрэ Мария Николаевна Руфова кэпсээтэ.
— Байыаннай эпэрээссийэҕэ барбыт дьонноох биһиги интэринээт-оскуолабыт үлэһиттэригэр тус аадырыстаах көмөнү оҥоро олоробут. Ол курдук, медицинскэй үлэһиппит Аржакова Анна Прокопьевна кэргэнэ 2022 сыллаахха балаҕан ыйыгар ыҥырыллан барбыта. Онтон ыла кэлэктиип күүһүнэн киниэхэ тырааныспарынан, бородууктанан, үбүнэн көмө оҥоһуллар. Уола байыаннай эпэрээссийэҕэ сулууспалыы сылдьар техүлэһиппитигэр Габышева Инна Егоровнаҕа эмиэ итинник көмөнү сэргэ инбэлиит кэргэнигэр тырааныспарынан көмөлөһөбүт. Повар көмөлөһөөччүтэ Урбанова Анна Николаевна уола быйыл тохсунньуга байыаннай эпэрээссийэҕэ ыҥырыллан барбыта. Киниэхэ үлэһиттэр күүстэринэн биир кэмнээх харчынан көмө бэриллибитэ.
2022 сыл бүтүүтэ ахсынньыга аһымал кэнсиэри тэрийэммит киллэрбит харчыбытынан окуопа иһигэр туттуллар чүмэчилэри оҥорууга матырыйаал ылыммыппыт, саллааттарбыт оҕолоругар Саҥа дьыллааҕы бэлэх атыыласпыппыт. Сылаас таҥаһы хомуйбуппут, «Саллаакка сурук» аахсыйаҕа куруук 125 үөрэнээччилэрбит көхтөөхтүк кыттан кэллилэр. Каникул кэмигэр саллааттарбыт оҕолоругар, икки иитиллээччибитигэр сухуой паек биэрбиппит.
Куйаар ситиминэн «Санаа быраас» диэн илии баттааһыннаах тэттик суруйуулар кэлэр буолбуттара балай да кэм буолла.…
Тохсунньу 5 күнүгэр Ньурба улууһугар 1955 с.т. дьахтар сүппүтүн туһунан СӨ Быыһыыр сулууспатын пресс-сулууспата иһитиннэрбитэ.…
Тохсунньу Таҥха ыйынан биллэр. Сыл ахсын сүллүүкүттэр хаһан тахсар этилэрий, ойбонтон хаһан уу ылар этибитий…
Бүгүн, тохсунньу 7 күнүгэр, өрөспүүбүлүкэ илин, соҕуруулуу-илин өттүгэр сөҥүү түһэрэ күүтүллүбэт. Мантан атын оройуоннарга кыралаан…
Саҥа дьыллааҕы бырааһынньыктар түмүктэнэн, симэммит харыйалары хомуйар кэм чугаһаата. Астрологтар маннык күннэргэ харыйаны хомуйары сүбэлииллэр:…
Судаарыстыбаннай Дуумаҕа дьиэ кэргэҥҥэ үһүс уонна онтон кэлэр оҕолор төрөөтөхтөрүнэ дьиэ кэргэн ипотекатын ыстаапкатын намтатар…