Андрей Сорокин хаартыскаҕа түһэриитэ, ЯСИА.
Нерюнгрига маастар-былаан чэрчитинэн поликлиниканы саҥардан оҥороллор.
РФ Бэрэсидьиэнэ Владимир Путин бигэргэппит маастар-былаанын чэрчитинэн, Нерюнгрига улахан дьон поликлиникатын саҥардан оҥороллор. Хапытаалынай өрөмүөн хайдах баран иһэрин бүгүн, олунньу 10 күнүгэр, Ил Дархан Айсен Николаев үлэтинэн тиийэ сылдьан бэрэбиэркэлээтэ.
Уопсайа 5,8 тыһ. кв.м. иэннээх эбийиэк үлэтэ түмүктэнэн эрэр, 90% бэлэм буолбут. Өрөмүөн үлэтин кулун тутарга диэри түмүктүүр былааннаахтар. Түөрт мэндиэмэннээх поликлиникаҕа туох баар тэрилин туруоран ыам ыйыгар бэлэм оҥорор соруктаахтар.
Дьоҥҥо-сэргэҕэ табыгастаах буоларын курдук, рентген хоһун төрдүстэн бастакы этээскэ көһөрбүттэр. Аны тииһи эмтиир отделениены үлэҕэ киллэриэхтээхтэр. Тэрилтэ УЗИ-аппараатынан, эндоскопия, флюрография тэриллэринэн хааччыллыбыт.
—Цифровизацияҕа болҕомто ууруллара наада. Дьон-сэргэ сурутара табыгастаах буолуохтаах. Уочарат уонна кэтэһии-манаһыы тахсыбатын курдук оҥоһуллуохтаах, — диир Айсен Николаев.
Бу маастар-былаан иитинэн үлэ салҕанар. Ол курдук балыыһа комплексын (Б блогу) өрөмүөннээбиттэрэ. Билигин поликлиниканы таһынан өссө хас да эбийиэккэ саҥардан оҥоруу үлэтэ ыытыллар, ол иһигэр КВД, акушер куорпуһугар, суһал көмө отделениетыгар, эмтиир куорпуска (А блокка).
Оройуон олохтоохторун долгутар боппуруоска дойду, өрөспүүбүлүкэ салалтата болҕомтолорун ууралларыгар Нерюнгри олохтооҕо Ирина Гощанская махтанар.
—Кэнники кэмҥэ доруобуйа харыстабылыгар улахан болҕомто уурулларыттан үөрэбит. Дьиэ-уот үчүгэй көрүҥнэннэ. Биллэн турар, мэдиссиинэ өҥөтө тубуста. Дьон-сэргэ наһаа махтанар, — диэн кини үөрэр.
Маны сэргэ, «Уһун уонна көхтөөх олох» национальнай бырайыагынан куорпустар аныгы тэрилинэн, миэбэлинэн хааччыллыбыттар.
—Нерюнгрига сэтинньигэ уонна тохсунньуга быраастар кэлэ сылдьыбыттара. Сэттэ уонтан тахса киһи катаракталарын эпэрээссийэлэппиттэрэ. Ону таһынан эмтээһин-томтооһун ыытыллар. Биһиги офтальмологическай кииммит бырааһа бастаан дьону испииһэктиир, онтон хирург-быраас кэлэр. Билигин номнуо 50 киһи испииһэккэ киирбит. Онон кулун тутарга манна хирург-бырааһы ыытар былааннаахпыт. Кини эпэрээссийэлэри оҥоруо, — диэн уонна да атыны өрөспүүбүлүкэтээҕи офтальмологическай килиниичэскэй балыыһа кылаабынай бырааһа Иван Луцкан кэпсээтэ.
Сиһилии: https://www.sakha.gov.ru/news/22519
СӨ Ил Дарханын уонна Бырабыыталыстыбатын пресс-сулууспата
Андрей Сорокин хаартыскаҕа түһэриитэ, ЯСИА
Саха сирэ ыраахтан кэлэр туристары бэйэтин ураты, киһи атаҕа тиийбэтэх кэрэ айылҕатынан умсугутар. Швейцарияттан кэлбит…
Тулагы-Киллэмҥэ Арассыыйаҕа Норуоттар сомоҕолоһууларын, Саха сиригэр Култуура, нэһилиэкпитигэр Сомоҕолоһуу сыллара биллэриллибиттэрин арыйар үөрүүлээх тэрээһин өрө…
Олунньу 7 күнүгэр "Чурапчы" айар түмсүү салайааччыта Римма Иннокентьевна Корякина-Хотууна уонна кини кыыһа Сардаана Корякина-Сардаана…
ИДьМ Дьокуускайдааҕы управлениетын наркотик эргиирин хонтуруоллуур отделын үлэһиттэрэ эрэгийиэннэр икки ардыларынааҕы наркокурьер үлэтин тохтоттулар. Суһал-көрдүүр…
Саха сирэ сааскы халааны этэҥҥэ аһарарга анаан күүстээх бэлэмнэнии үлэтин саҕалаата. Туох үлэлэр ыытыллалларын туһунан…
Нерюнгри оройуонун Золотинка бөһүөлэгэр Ил Дархан Айсен Николаев бүгүн, олунньу 10 күнүгэр, Арассыыйа Дьоруойа, Хотугу…