СИА, Андрей Сорокин хаартыската
Чугастааҕы кэмҥэ Саха сирин бөдөҥ куораттарын уонна бырамыысыланнай кииннэрин сайыннарар сыалтан Дьокуускай, Нерюнгри, Алдан уонна Мииринэй куораттар социальнай-экэнэмиичэскэй сайдыыларын соруга турар.
Ол туһунан бүгүн Ил Дархан Айсен Николаев «Саха» НКИХ Нерюнгритааҕы филиалыгар быһа эпииргэ кэпсээтэ.
Бу куораттары сайыннарыыга, нэһилиэнньэ олоҕун тупсарыыга былааннаах үлэ , хаарбах дьиэлэртэн көһүү, олорор сирдэри гаастааһын, о.д.а барыа.
“Бүгүн ити ыйаах мин хонтуруолбар сылдьар. Соторутааҕыта Дьокуускай куоракка ыйаах туолуутун бэрэбиэркэлээбиппит. Онтон бу бүгүн Нерюнгри оройуонугар хайдах туолан иһэрин көрө-истэ сылдьабын. Үлэ саҕаланна, Бырабыыталыстыба, муниципальнай тэриллии уонна бырамыысыланнай хампанньалар бу докумуонунан салайтаран үлэлииллэрэ көһүннэ. «Газпром» хампаанньа туттарбыт катогун Чульмаҥҥа тутан киллэрдэ. Хаарбах дьиэттэн көһөрүү, саҥа дьиэ тутуута хайдах баран иһэрин эмиэ көрдүм», — диэтэ Айсен Николаев.
Төһө даҕаны ыарахан кэмнэр үүннэллэр, тас дойдулар сааҥсыйаларын, байыаннай дьайыыны аахсыбакка, бырайыактар бары олоххо киирэллэр, Нерюнгри оройуона Арассыыйа Бэрэсидьиэнин, Бырабыыталыстыбатын көмөтүнэн уонна бэйэбит ыйаахпытынан иккис тыын ылан, сайдар суолга киирдэ диэн бэлиэтээтэ кини. Нерюнгри инникитэ түстэнэрин, саҥа оҥорон таһаарар тэрилтэлэр, креативнай экэниэмикэ салаата сайдарын бэлиэтээтэ Ил Дархан.
Усуйаана улууһугар борокуратуура орооһуутун кэнниттэн, анал байыаннай дьайыы кыттыылааҕын ийэтигэр материальнай көмө оҥоһуллубут. Усуйаана…
Саха сиригэр 2025 сылга 10 уонна онтон элбэх оҕолоох икки ыал дьиэни атыылаһыыга эбэтэр туттууга…
Ленскэйгэ оройуоннааҕы балыыһа санитарката сууттанна. Балаҕан ыйын 16 күнүгэр Ленскэйдээҕи оройуон суутунан, 49 саастаах дьахтар…
Балаҕан ыйын 18-21 күннэригэр Дьокуускайга Преображенскай собуорга Сибэтиэй Боҕоруодьусса курун сорҕото аҕалыллан, дьоҥҥо көрдөрүүгэ туруоҕа.…
Бүгүн сарсыарда саайпытыгар Дьокуускай куоракка Сайсары күөлгэ 2000 с.т. эр киһи тимирбитин туһунан иһитиннэрбиппит. Күөл…
Балаҕан ыйын 26-28 күннэригэр Саха сиригэр аан бастаан Бүтүн Арассыыйатааҕы үҥкүү спордун күрэхтэһиитэ буолуоҕа, онно…