Нерюнгри суруналыыһа Юрий Коковин «Живая тайга» куонкурус кыайыылааҕын буолла

Уһук Илиҥҥи айылҕа харыстабылын суруналыыстыкаҕа «Живая тайга» куонкуруһугар биллэр суруналыыстар уонна блогердар кытыннылар. Бу туһунан «Индустрия Севера» хаһыат иһитиннэрэр.

Эколог күнүгэр куонкурус бастыҥнар ааттарын биллэрдилэр, кинилэр ортолоругар «Индустрия Севера» хаһыат кэрэспэдьиэнэ Юрий Коковин үрдүк ситиһиилэннэ. «Присматривай за природой» номинацияҕа кыайыылааҕынан буолла.

Куонкуруска Уһук Илинтэн 111 суруналыыс уонна араас блогердар 233 үлэлэрин көрдүлэр. Хаартысканан түһэриигэ уонна ыстатыйалары суруйууга «Индустрия Севера» хаһыат кэрэспэдьиэнэ Юрий Коковин «Птица счастья в голубой сорочке», «Про лисий хвост» уонна «Булка хлеба для синицы» үлэлэрин туруорбут.

Ити курдук, Юрий Коковины атын кыайыылаахтары уонна лауреаттары сэргэ «Живая тайга» экологическай суруналыыстыка оскуолатыгар ыҥырдылар. Үөрэх от ыйын 16-20 күннэригэр Владивостокка ыытыллар. Оттон кыайыылаахтары наҕараадалааһын от ыйын 16 күнүгэр «Достояние» норуоттар икки ардыларынааҕы түмэл-быыстапка комплексыгар буолуоҕа.