Хаартыска: Ааптар түһэриилэрэ
Олоҥхо ХVIII национальнай ыһыаҕын чэрчитинэн ыытыллар эрэгийиэннэр икки ардыларынааҕы ХV научнай-методическай кэмпириэнсийэ Нерюнгри куоракка уонна Иенгра сэлиэнньэтигэр ыытылла турар.
Кэмпириэнсийэ олус киэҥ тиэмэни хабан, сиэксийэлэргэ арааран тэрилиннэ. Москваттан, Санкт-Петербургтан, Татарстантан, Хакасияттан, Хайалаах Алтайтан, Тываттан уо.д. а. эрэгийиэннэртэн кэлбит эспиэрдэр норуоттарын эпостарын, биһиги ыһыахпытыгар маарынныыр бырааһынньыктарын уратытын, кыһалҕаларын кэпсээтилэр. Арассыыйа норуоттара аныгы кэмҥэ халандаарынай бырааһынньыктарга туох ыарахаттары көрсөллөрүн, олоҥхо уобарастарын уонна сюжеттарын, норуот фольклорун пааматынньыктарын, фольклор айымньыларын үөрэх тэрилтэлэригэр үөрэтии уратыларын уо.д.а. ырытыстылар. Манна даҕатан эттэххэ, биир күн иһигэр 19 араас сиэксийэ үлэлээтэ.
Туспа бырагырааманан араас маастар-кылаастар элбэх киһи болҕомтотун тартылар. Кэрэхсэбиллээҕэ диэн, манна эспиэрдэр, ыалдьыттар эрэ буолбакка, Нерюнгри олохтоохторо эмиэ үөрэ-көтө кыттыстылар. Дьокуускайтан кэлбит эспиэр Константин Степанов Ыһыах кэмигэр уопсастыбаннай аһылыгы тэрийии технологиятыгар, норуот маастардара Антонина Христофорова аҕыйах ахсааннаах төрүт норуоттар оҥоһуктарыгар, Изабелла Элякова сахалыы таҥаһы тигиигэ сэминээрдэригэр уонна маастар-кылаастарыгар уо.д а элбэх киһи кэрэхсээн кытынна, элбэх ыйытыыны биэрдэ.
Биир сүрүн уонна наадалаах тэрээһининэн Хотугу сир, Арктика улуустарын оһуохайдарын, үҥкүүүлэрин эдэр ыччакка билиһиннэрии, үөрэтии буолла. Онуоха хоту улуустартан бэрэстэбиитэллэр анаан-минээн кэлбиттэр.
Олоҥхо ыһыаҕар бэлэмнэнии чэрчитинэн ыытыллыбыт «Ысыах Олонхо в Нерюгринском районе: от эпосов к диалогу» кэмпириэнсийэ кыттыылаахтара волонтер оҕолор олус кыһамньылаах үлэлэригэр, ис сүрэхтэн тахсар болҕомтолоругар, тэрээһиннэр ыытыллыбыт М.П. Кочнев аатынан 1№-дээх оскуола, А.С. Пушкин аатынан Култуура дыбарыаһын кэлэктииптэригэр махтаннылар. Бу күн Сунтаар улууһун дэлэгээссийэтэ Ыһыах Аар баҕаҕын бэлиэтин Нерюнгри улууһун баһылыга Роман Щегельнякка туттарда.
Мэнэ Хаҥалас улууһугар Үөрэҕирии 150 сылынан улуус бары оскуолаларыгар КМО- нан үлэлээн ааспыт уонна үлэлии…
Бу күннэргэ Мэҥэ Хаҥалас улууһугар Нуораҕанаҕа уонна Маттаҕа улуустааҕы экологическай кэтээн көрүү салайааччыта уонна ыстаарсай…
Олунньу 7 күнүгэр Таатта улууһун Ытык Күөлүгэр саха тылын, саха омук сайдыытын туһунан кэпсэтэр, ырытар…
Олунньу 6-7 күннэригэр Таатта улууһугар саха суругунан уус-уран литературата төрүттэммитэ 125 сылыгар анаммыт ''Саргы-дьаалы улааттын,…
Мобильнай биригээдэлэр Саха сирин Уһук хоту оройуоннарын олохтоохторугар хаачыстыбалаах мэдиссиинэ көмөтүн оҥорор үлэлэрин салгыыллар. Бүгүҥҥү…
Тохсунньуга психологтар уопсайа 1370 байыаһы уонна кинилэр дьиэ кэргэттэрин чилиэннэрин хаппыттар. Кинилэргэ уопсайа 1750 психологическай…