Хаартыска: А.Сорокин (ЯСИА)
Олоҥхо ыһыаҕын кэмигэр Саха Өрөспүүбүлүкэтин Нерюнгри улууһун уонна Донецкай Норуодунай Өрөспүүбүлүкэ Шахтерскай муниципальнай уокурук хардарыта бииргэ үлэлиир туһунан муниципалитеттар икки ардыларынааҕы сөбүлэһии түһэрсилиннэ.
Ил Дархан Айсен Николаев баарына Нерюнгри улууһун баһылыга Роман Щегельняк уонна Шахтерскай муниципальнай уокурук муниципальнай тэриллиитин баһылыга Александр Шатов докумуоҥҥа илии баттаатылар.
Өрүттэр бэйэлэрин дойдуларын айылҕатын, култууратын кыаҕын актыыбынайдык сайыннарыыга усулуобуйаны тэрийэргэ, туристар үгэс буолбут уонна саҥа маршруттарын сайыннарарга сөбүлэстилэр. Ону таһынан инвестиция уонна экэниэмикэ салааларыгар бииргэ үлэлээһини хардарыта сайыннарыахтара, олорор дьиэни, суоллары, социальнай-култуурунай суолталаах дьиэлэри тутууга уонна тупсарыыга үрдүк технологиялары киллэрии үөрүйэхтэрин үллэстиэхтэрэ.
«Биһиэхэ уопсайбыт олус элбэх. Нерюнгри улууһугар уонна Шахтерскай муниципальнай уокурукка чох бырамыысылыннаһа күүскэ сайдыбыт. Устуоруйаны көрдөххө, Донбасс үгүс шахтера Саха сирин чоҕун салаатын тэрийсибит. Биһиги уопсай устуоруйабытын умнуо суохтаахпыт уонна ону оҕолорбутугар салгыы тириэрдиэхтээхпит. Билигин Саха сирэ Донбаһы чөлүгэр түһэриигэ олус элбэҕи оҥорор. Икки сыллааҕыта Кировскай куораты чөлүгэр түһэрии чэрчитинэн үлэлээбиппит, билигин Саха Өрөспүүбүлүкэтэ Докучаевскайга үлэлиир. Биһиги истиҥ сыһыаммытын салгыы өйүүбүт. Түһэрсиллибит сөбүлэһии бииргэ үлэлээһиҥҥэ уонна биһиги эрэгийиэннэрбит икки ардыларыгар коммуникациялары сайыннарарга саҥа кыахтары биэрэр”, — диэн Александр Шатов бэлиэтээн эттэ.
Бүгүн, алтынньы 14 күнүгэр, киин куорат уокуруктарынан уонна сорох улуустарынан быстах кэмҥэ өрөмүөн үлэтинэн сибээстээн,…
Алтынньы 14 күнэ – Бокуруоп таҥара – кыһыҥҥы дьыл саҕаланыытын күнэ. Бу күнү өбүгэлэрбит дьыл…
Саха сиринээҕи Гидрометеосулууспа билгэтинэн, өрөспүүбүлүкэҕэ кыралаан хаардыыр, оттон хотугулуу-илин, соҕуруу улуустарга хаар түһэрэ күүтүллэр. Сиккиэр…
Арассыыйа Силиэстийэлиир кэмитиэтин салайааччы Александр Бастрыкин Дьокуускай хаарбах дьиэлэргэ олохтоох дьонун үҥсүүлэринэн, кинилэр бырааптарын кэһии…
Бүгүн, алтынньы 13 күнүгэр, Хатас сэлиэнньэтигэр Охлопковтар дьиэ кэргэҥҥэ гаас холбонон, үөрүүлээх түгэн буолла. Бу…
Дьокуускайга полицейскайдар 5 саастаах оҕотун дьиэтигэр таһыттан хатаан баран барбыт ийэни эппиэтинэскэ тардыбыттарын туһунан ИДьМ…