Таастаах диэн сиргэ «Амикан» этнография комплексын көрүү кэнниттэн, Нерюнгри оройуонун дьаһалтатын Олоҥхо ыһыаҕар эппиэттээх исписэлиистэрэ, олохтоох уопсастыбаннас тэрийэр хамыыһыйа чилиэннэрин кытта суолталаах тэрээһин туһунан кэпсэттилэр.
Ыалдьыттары, улуус дэлэгээссийэтин көрсөргө эппиэттээх салайааччы, үөрэх миниистирэ Нюргуна Соколова дьону олордор, аһатар эбийиэктэри хайдах быһаарбыттарын сиһилии кэпсээтэ. Ол курдук, тэрээһиннээх ыалдьыттары көрсөргө түөрт оскуола, биир уһуйаан бэлэмнэр. Маны тэҥэ, үөрэх үс үөрэх министиэристибэтин тэрилтэтигэр: «Горизонт» санаторий-профилакторийга, успуорт оскуолатыгар, мэдиссиинэ кэллиэһин уопсай дьиэтигэр олохтуохтара. Онон Нерюнгригэ 1800-тэн тахса киһини Олоҥхо ыһыаҕар көрсөргө бэлэмнэр.
Нюргуна Соколова бэлиэтээбитинэн, 25 улуустан Олоҥхо ыһыаҕар барарга сайаапка киирэн сытар. 10 хоту улуус бакаа тугу да биллэрэ илик. Айана ырааҕа бэрдиттэн, сорох арктическай улуустар кыайан кэлбэт туруктаахтар.
Биллэн турар, үгүс дьону Нерюнгрига ыытыллар суолталаах тэрээһин режиссерунан ким буолара интэриэһиргэтэрэ чахчы. Олоҥхо ыһыаҕын режиссерунан Саха академическай тыйаатырын сүрүн режиссера Руслан Тараховскай бигэргэннэ. Кини 2018 сыллаахха Алдан оройуонугар ыытыллыбыт Олоҥхо ыһыаҕар режиссердаабыта. Ол ыһыах күн бүгүҥҥэ диэри уос номоҕор сылдьар. Онон быйылгы Олоҥхо ыһыаҕын Руслан Тараховскай эмиэ дьон санаатыгар-дууһатыгар үйэ саас тухары хаалар гына умнуллубаттык тэрийэрэ саарбахтаммат.
СӨ култуура тын уонна духуобунай сайдыытын миниистирэ Афанасий Ноев: «Быйылгы ыһыах сүрүн тосхоло: «Ытык хайалар тулалаан туралларын тухары, аан дойду тутааҕа тулхадыйбат» диэн этэринии, култуура, духуобунай баай, төрүт үгэс, олоҥхо, тыл-өс, философия өрүү сайда туруоҕа», — диэн бэлиэтээтэ.
Онон, күндү Саха сирин олохтоохторо, от ыйын 4-5 күннэригэр Нерюнгрига ыытыллар Олоҥхо ыһыаҕар ыалдьыттаан, санаалыын сырдаан кэлэргитигэр ыҥырабыт.
СӨ Дьокуускай куорат суутугар РФ ХК 111-с ыстатыйатын 1-кы чааһынан (соруйан ыар буортуну оҥоруу) көрүллүбүт…
Суукка быһаарыллыбытынан, буруйдаммыт киһи итирик туруктаах сылдьан массыынаны ыыппыта биллибит. Онон, РФ ХК 264.1 ыст.…
Госдуумаҕа адаптивнай больничнай туһунан сокуон бырайыагын киллэрээри гыналлар, оччоҕо үлэһит ыалдьа олорон үлэлиир кыахтанар, хамнаһыгар…
Бэйэлэрин тула дьону түмэр, хамсатар, уопсастыбаннай үлэнэн дьарыктанан, тулалыыр эйгэлэрин тупсарар дьон баар буолаллар. Эдэр…
Байыаннай дьайыы саҕаланыаҕыттан Саха сирин олохтоохторо ким-туох кыахтааҕынан көмөлөһө олороллор. Бу барыта үтүө санаалаах дьон…
Билигин маҕаһыынтан эрэ буолбакка, оннооҕор эмтиэкэттэн табаары уораллар эбит. Дьокуускай куоракка полицейскайдар эмтиэкэттэн табаары уорбут …