Нерюнгри үбүлүөйүгэр 11 дьиэ сирин-уотун саҥардан оҥоруохтара

Быйыл Нерюнгри 50 сылын бэлиэтиир. 

Үбүлүөйдээх бэлиэ даатанан 11 тиэргэни саҥардан оҥорор былааннаахтар.  Маныаха куорат үбүлүөйүгэр өрөспүүбүлүкэ бүддьүөтүттэн 100 мөл.солк. тиэргэннэри тупсаран оҥорууга биэриэхтэрэ. Бу туһунан «Саха» НКИХ Нерюнгритээҕи филиалыгар Ил Дархан Айсен Николаев иһитиннэрдэ.

«Миэхэ 11 элбэх кыбартыыралаах дьиэлэр тиэргэннэригэр бырайыактыыр-симиэтэ докумуоннара бэлэмин туһунан иһитиннэрбиттэрэ. Күн-дьыл туруга тупсарын кытта, тупсарыы үлэлэрэ саҕаланыахтара. Онон олохтоохторго табыгастаах үчүгэй усулуобуйа тэриллиэ», — диэн этэр Ил Дархан.

Үлэ ыытылларыгар бары быһаарыылары элбэх кыбартыыралаах дьиэлэр олохтоохторун кытары сүбэлэһэн оҥорбуттар.

Оройуон дьаһалтатыттан иһитинэрбиттэринэн үлэлэр маннык аадырыстарга ыытыллаллара быһаарыллыбыт:

— Дружбы Народов пр., д. 33, д. 35, д. 37;

—  Дружбы Народов пр., д. 29, д. 29/1, д. 29/2, д. 29/3;

— Мир уул. 19/1, д. 19/2, д. 21/1, д. 21/2.

Санатан эттэххэ, Нерюнгри үбүлүөйүгэр маны сэргэ, култуура паарката — куорат эйгэтин бырайыактарын Арассыыйатааҕы куонкуруһун кыайыылааҕа, тупсарыллан оҥоһуллар. Маны сэргэ, биир улахан тэрээһининэн «Олоҥхо ыһыаҕа — 2025» буолар. Бу далааһыннаах тэрээһиҥҥэ «Амикан» паарканы тупсаран оҥорору былаанныыллар.

СӨ Ил Дарханын уонна Бырабыыталыстыбатын пресс-сулууспата

СИА хаартыската