Нерюнгри үбүлүөйүгэр былаһааккалары саҥардыахтара

Быйыл Нерюнгри 50 сыллаах үбүлүөйүнэн сибээстээн, Норуоттар доҕордоһууларын уулуссатыгар түөрт былаһаакканы өрөмүөннүөхтэрэ. Бу туһунан Ил Дархан Айсен Николаев быһа эпииргэ бэлиэтээн эттэ.

«70-80-с сылларга оҥоһуллубут дьиэ таһынааҕы былаһааккалар эргэрдилэр. Бу туһунан араас көрсүһүүлэргэ олохтоохтор өрүү этэллэр. Онон быйыл эрэгийиэн бырабыыталыстыбата Нерюнгрига хайаан да өйөбүл оҥоруоҕа. Өскө куорат дьаһалтата оҕо спортивнай былаһааккаларын саҥардыыга туһуламмыт хаачыстыбалаах бырайыактары эбии киллэрдэҕинэ, көрөргө бэлэммит,» — диэн эттэ Ил Дархан.