Нерюнгрига 76 саастаах биэнсийэлээх түөкүттэр угаайыларынан 4,8 мөл. солк. сүтэрбит

Ааспыт өрөбүллэргэ Саха сирин олохтоохторо түөкүттэр угаайыларынан мөлүйүөнүнэн солкуобайы сүтэрбиттэр.

ИДьМ пресс-сулууспатын дааннайынан, ааспыт өрөбүллэргэ өрөспүүбүлүкэ 4 олохтооҕо албыҥҥа-көлдьүҥҥэ түбэстэ. Уопсай хоромньу 5 мөлүйүөн солкуобайы куоһарда.

Ол курдук, Дьокуускай куорат 42 саастаах тиэхиник үлэһитэ, интэриниэккэ харчылаһа сатаан, биллэр маркетплейс үлэһиттэринэн кубулуммут түөкүттэргэ 498 тыһыынча солкуобайы ыыппыт. Итини таһынан киин куорат 64 саастаах учуутала, «Госуслуги» портал уонна Росфинмониторинг исписэлиистэринэн кубулуммут хара санаалаахтар албыннарыгар түбэһэн, 200 тыһыынча солкуобайыттан маппыт.

Нерюнгри 76 саастаах биэнсийэлээҕэ, алтынньы бүтүүтэ борокуратуура уонна үп-харчы хонтуруолун үлэһиттэринэн кубулуммут түөкүттэргэ түбэһэн, 4,8 мөл. солк. тахса харчытыттан маппыт. Аны туран биир тэрилтэ 60 саастаах машиниһа, «Roblox» онлайн-оонньууга албыҥҥа түбэһэн, билбэт дьонтон оонньуу харчытын атыылаһа сатаан, 127 тыһ. солк. тахса харчытын сүтэрбит.

ИДьМ сулууспата гражданнары төлөпүөнүнэн уонна интэриниэт ситиминэн билбэт дьону кытта кэпсэтэригэр олус сэрэхтээх буоларга, баан каартатын дааннайдарын уонна пароллар курдук туһунан информацияны ыыппаккытыгар ыҥырар.