Нерюнгрига байытар фабрикаҕа баһаары умуруордулар

300 квадратнай миэтэрэҕэ тарҕаммыт баһаары Нерюнгри байытар фабрикатыгар умуруордулар.

Бу туһунан Саха сиринээҕи ЫБММ пресс-сулууспата иһитиннэрэр. Улахан баһаар «Нерюнгринскай» байытар фабрикаҕа бу сарсыарда, ыам ыйын 7 күнүгэр, улахан эстии кэнниттэн тахсыбыт.

Барыллаан быһаарыынан ыскылаакка метан эстибит. Баһаар төрүөтүн чинчийиигэ суһал бөлөх тэрилиннэ. Быһылааҥҥа 4 киһи эмсэҕэлээбит. Кинилэри санитарнай авиациянан Дьокуускай куоракка аҕалыахтара. СӨ Борокуратуурата быһылаан кэннэ бэрэбиэркэ ыытар.