Нерюнгрига болдьоҕо ааспыт уонна докумуона суох бородууксуйа атыыламмыт

Дьокуускай куорат борокуратууратын үлэһиттэрэ уонна Амур уобалаһын  фитосанитарнай надзорга федеральнай сулууспатын исписэлиистэрин кытары атыылаһааччылар бырааптарын көмүскүүр тэрээһиннэри ыыттылар.

Ол курдук, бэрэбиэрэкэ кэмигэр Нерюнгри ырыынагар 400-тэн киилэттэн тахса кэриҥэ ыйааһыннаах эт бородууксуйата бэтэринээрийэттэн тустаах докумуона суох атыыламмыта быһаарылынна. Холодильниктарга термометрдара суох, ону таһынан болдьоҕо ааспыт табаардар булуллубуттар.

Куорат борокуратуурата тэрилтэни сокуон ирдэбилигэр сөп түбэспэт аһы-үөлү суох оҥорууга тэрээһиннэри ыытарга сорудахтаата. Дуоһунастаах сирэйдэргэ 7 административнай буруйу оҥоруу боротокуола сурулунна. Борокуруор аахталара көрүүгэ уонна хонтуруолга сылдьаллар. Бу туһунан СӨ Борокуратууратын пресс-сулууспата суруйар.