Нерюнгрига дьахтар алтыс этээстэн куосканы бырахта

Бүгүн сарсыарда Нерюнгри олохтооҕо аҕам саастаах дьахтар алтыс этээстэн куосканы бырахта. Маны көрөн турбут Чурапчинскай уулусса элбэх кыбартыыралаах дьиэтин олохтооҕо полицияҕа үҥсүбүт. Бу туһунан СӨ ИДьМ иһитиннэрэр.

Быһылаан буолбут сиригэр полиция уполномоченнайа тиийбит. Билигин олохтоохтору кытта кэпсэтии, кыылга хаҕыс сыһыан тула бэрэбиэркэ ыытылла турар.

Быһылааҥҥа кыттыгастаах 65 саастаах дьахтар быһаарылынна диэн иһитиннэриигэ суруллар. Итиэннэ куоска алтыс этээстэн быраҕыллан баран, тыыннаах хаалбатаҕын туһунан ИДьМ суруйар.