Нерюнгрига дьахтар эр дьоҥҥо быһахтаах саба түспүт

Нерюнгри куораттааҕы Силиэстийэлиир отдел 51 саастаах дьахтарга холуобунай дьыаланы тэрийдэ. Кини РФ ХК өлөрүү уонна өлөрүүгэ холонуу ыстатыйаларынан буруйданар диэн Силиэстийэлиир кэмитиэт телеграм-ханаала иһитиннэрэр.

Силиэстийэ дааннайдарынан, 2025 сыл балаҕан ыйын 20 күнүгэр дьахтар билэр эр дьонун дьиэлэригэр бииргэ арыгы иһэ сылдьан айдаарсыбыт. Иирсээн кэмигэр 32 саастаах эр киһини түөскэ быһаҕынан анньыбыт, оттон 62 саастаах киһи кыбартыыраттан куотан быыһаммыт.

Бастакы эмсэҕэлээччи тыына быстыбыт, иккис эр киһиэхэ мэдиссиинэ көмөтө кэмигэр оҥоһуллубут.

Дьахтары 2025 сыл балаҕан ыйын 22 күнүгэр туппуттар. Силиэстийэ салгыы ыытыллар.