Нерюнгрига дьахтары өлөрдүлэр

Ааспыт сууккаҕа Саха сиригэр биэс буруйу оҥоруу буолбутун туһунан СӨ Борокуратуурата иһитиннэрэр.

Нерюнгрига дьахтары өлөрдүлэр. Дьокуускайга эр киһи доруобуйатын улаханнык эчэттилэр.

Ленскэйгэ бэлисипиэт уорбуттар. Дьокуускай олохтооҕо түөкүттэргэ 1,2 мөл.солк. суйдаппыт.

Дьокуускайга итирик уруулга олорбут суоппар иккиһин тутуллубут.

Үөһээ Бүлүүгэ, Бүлүүгэ, Ленскэйгэ, Уус Маайаҕа суол саахаллара буолбуттар. Үс киһи эчэйбит, биир киһи суорума суолламмыт.

Уус Маайа бөһүөлэгэр 1996 с.т. суоппар «Тойота Ипсум» массыынаны ыытан иһэн, бэлисипиэтинэн айаннаан испит 1959 с.т. киһини түҥнэри көппүт. Бу киһи эчэйиилэриттэн тыына быстыбыт. Холуобунай дьыала тэрилиннэ.

Суукка иһигэр итирик туруктаах аҕыс суоппары туттулар.