Нерюнгрига эр киһи балыктыы сылдьан ууга түспүт

Ааспыт сууккаҕа өрөспүүбүлүкэҕэ буруйу оҥоруу  4 түбэлтэтэ бэлиэтэммит. Бу барыта түөкүннээһини кытары сибээстээх.

Ол курдук Дьокуускайга биир устудьуонтан албыннаан туран 425 тыһ. солк., Тааттаҕа учууталтан 235 тыһ. солк., Ленскэйгэ такси  суоппарыттан   330 тыһ. солк. итиэннэ үлэтэ суох эр киһиттэн 179 тыһ. солк. суйдаан ылбыттар диэн СӨ Борокуратуурата иһитиннэрдэ.

Нерюнгрига Улахан Токо күөлгэ балыктыы сылдьан 1966 сыллаах төрүөх эр киһи ууга түспүт. Билиҥҥээҥҥэ диэри көстө илик.

Айхал бөһүөлэгэр   ВАЗ-21061 суоппара  2012 сыллаах төрүөх оҕону түҥнэри  көппүт. Оҕо араас эчэйиини ылан балыыһаҕа киирбит.