Нерюнгрига эр киһи отоннуу тахсан баран, төннүбэтэх

Ааспыт баскыһыанньаҕа Нерюнгри оройуонугар 56 саастаах эр киһи сураҕа суох сүппүт. Кини тыаҕа отоннуу тахсыбыт, ол эрээри дьиэтигэр төннүбэтэх.

Чугастааҕы кэмҥэ көрдүү быыһааччылар барыахтара диэн атырдьах ыйын 27 күнүгэр Саха сиринээҕи Быыһыыр сулууспатын пресс-сулууспата иһитиннэрдэ.

Эр киһи үс хонук анараа өттүгэр – атырдьах ыйын 24 күнүгэр тыаҕа барбыт. Кини Улахан Хатымы сэлиэнньэтиттэн 15 км сиргэ отоннуу сылдьыбыт. Бастаан аймахтара сүппүт киһини бэйэлэрин күүстэринэн көрдөөбүттэр да, туһа тахсыбатах. Сэрэдэҕэ кинилэр Саха сиринээҕи Быыһыыр сулууспаҕа көмө көрдөспүттэр.