Нерюнгрига эр киһи самокаттан сууллан суорума суолланна

Бүгүн, ыам ыйын 24 күнүгэр, Нерюнгри оройуонун Чульман бөһүөлэгэр эр киһи электросамокаттан сууллан, реанимацияҕа сытан тыына быһынна. Бу туһунан СӨ Госавтоинспекцията иһитиннэрэр.

44 саастаах эр киһи самокаты сатаан салайбакка сууллан түспүт. Ол сууллуутугар араас эчэйиилэри ылбыт. Кинини тута балыыһаҕа илдьибиттэр, Нерюнгри киин балыыһатыгар реанимацияҕа сытан өлбүт.