Нерюнгрига эр киһи арыгы испит иирсээнигэр быһаҕынан анньыбыт

Арассыыйа ИДьМ холуобунай ирдэбилин үлэһиттэрэ Нерюнгри оройуонугар 46 саастаах олохтоох уорбаланааччы 42 саастаах эр киһини ыараханнык эчэппитин быһаардылар.

Силиэстийэ быһаарбытынан, уорбаланааччы итирик туруктаах сылдьан эбии арыгы атыылаһаары маҕаһыын диэки хайысхалаах баран испит. Суол устун айаннаан иһэн уорбаланааччы билбэт эр киһитин көрсүбүт. Эмсэҕэлээччи маҕаһыын хайа диэки турарын ыйан-кэрдэн, устунан атааран биэрбит. Ол кэнниттэн саҥа билсибит дьон арыгыны бииргэ иһэргэ быһаарыммыттар. Сотору кэминэн эр дьону кытта иирсээн тахсыбыт, уорбаланааччы эр киһини быһаҕынан хас да төгүл анньыбыт уонна түмүгэр быһылаан тахсыбыт сириттэн куоппут.

«Нерюнгри оройуонун ИДьМ  силиэстийэлиир отделынан холуобунай дьыала тэрилиннэ», — диэн Нерюнгри оройуонун ИДьМ пресс-сулууспата иһитиннэрдэ.