Нерюнгрига эр киһини саанан ытан өлөрдүлэр

Саха сиригэр ааспыт сууккаҕа биэс буруйу оҥоруу буолбутун туһунан СӨ Борокуратуурата иһитиннэрэр.

Нерюнгри оройуонугар 58 саастаах эр киһини саанан ытан өлөрдүлэр. Арыгы иһэн баран айдаарсыы түмүгэр 37 саастаах эр киһи ыппыта биллибит.

Киин куоракка эр киһини быһахтаабыттар, балыыһаҕа илдьибиттэр. Итиэннэ кыбартыыраттан тэлэбиисэри уонна суотабай төлөпүөнү уорбуттара биллибит.

Түөкүттэр мэдиссиинискэй сиэстэрэттэн 250 тыһ.солк. суйдаабыттар.

Дьокуускайга Базовай переулокка киһи өлүүлээх суол саахала буолбут. Массыыналар харсыһыыларыгар суоппар тыына быстыбыт.

Томпоҕо суол саахалыгар түөрт киһи эчэйбит.

Суукка иһигэр итирик туруктаах аҕыс суоппары туппуттар.