Нерюнгри улууһун дьаһалтатын пресс-сулууспата
Нерюнгри улууһугар Көхтөөх уһун үйэлэнии киинэ аһылынна. Саҥа киин СӨ Үлэҕэ уонна социальнай сайдыыга министиэристибэтин көҕүлээһининэн үлэлиир.
Киин аҕа саастаах көлүөнэ дьонугар – 55 саастарын ааспыт дьахталларга уонна 60 саастарын ааспыт эр дьоҥҥо, ону таһынан 18 саастарын туолбут инбэлииттэргэ, байыаннай дьайыы кыттыылаахтарыгар уонна кинилэр дьиэ кэргэттэрин чилиэннэригэр комплекснай социальнай уонна мэдиссиинэ өҥөлөрүн оҥоруоҕа. Манна 10 үлэ күнүн устата доруобуйаны бэрэбиэркэлэнэргэ, уопуттаах быраастар, психолог уонна юрист сүбэлэрин-амаларын ыларга, эмтиир физкултууранан дьарыктанарга, араас аралдьытар бырагыраамаларга уонна тэрээһиннэргэ кыттарга, дууһаҕа уонна эти-сиини туһалаахтык атаарарга ураты кыаҕы биэрэллэр. Бырайыагы олоххо киллэрэр сыалтан, Саха сиригэр биллэр «Утум-Наследие» тэрилтэ бэрэссэдээтэлэ Мария Христофорова улуус дьаһалтатыгар муниципальнай бас билиигэ баар дьиэни чэпчэтиилээх усулуобуйанан биэрэллэригэр эбэтэр атын хаһаайыстыбалар бас билиилэригэр баар сөптөөх дьиэни көрдөһөргө көмөлөһөллөрүгэр көрдөһүүтүнэн тахсыбыт. Боппуруос улуус баһылыга Роман Щегельняк өйөбүлүнэн уонна тус кыттыытынан кылгас кэм иһигэр быһаарыллыбыт.
Саҥа киин Кравченко уулусса, 4 аадырыһынан баар, 13 миэстэҕэ аналлаах. Билигин киин тургутар эрэсииминэн үлэлиир — манна Нерюнгри куорат олохтоохторо сынньаналлар. Олунньу ыйтан киин үлэтин толору күүһүнэн тэрийэн, атын нэһилиэктэртэн ыалдьыттары ыҥырар былааннаахтар, оттон инникитин өрөспүүбүлүкэ ыаллыы сытар улуустарыттан. Направлениены ыларга олорор сиринэн Социальнай көмүскэл управлениетаҕа тиийиэххэ наада, онно социальнай сэртипикээт биэрэллэр. Ол докумуон олоҕуран хас биирдии ыалдьыкка анаан социальнай өҥөлөр тус бырагыраамалара оҥоһуллар. Киин аһыллыбытынан кэлэктииби СӨ Үлэҕэ уонна социальнай сайдыыга министиэристибэтин, Социальнай көмүскэл управлениета, улуустааҕы дьокутааттар Сэбиэттэрин, биисинэс-түмсүү уонна уопсастыбаннас бэрэстэбиитэллэрэ эҕэрдэлээтилэр. Улуус баһылыгын бастакы солбуйааччы Ирина Еремина кэлэктииби уонна ыалдьыттары Киин аһыллыбытынан эҕэрдэлээн туран, улуус дьаһалтата аҕа саастаах көлүөнэҕэ кыһамньыга улахан болҕомтону уурарын, кырдьаҕас дьон доруобуйаларын харыстааһыҥҥа, социальнай көхтөөх буолууларыгар уонна этэҥҥэ олорууларыгар сыһыаннаах боппуруостары быһаарсарын бэлиэтээн эттэ.
Арассыыйа эрэгийиэннэрэ сири сайыннарыы эргэ стратегиятыттан, ордук сатабыллаах уонна уопсастыбаннай эйгэттэн экэниэмикэ үрдээһинигэр, туризмҥа тиийэ…
Ньурба тыйаатырын айар бөлөҕө ахсынньы 8 күнүттэн Үөһээ Бүлүү-Бүлүү-Бэрдьигэстээх-Дьокуускай-Тулагы-Маҥарас-Ньурба маршрутунан гостуруолга туруммута. Артыыстар Үөһээ Бүлүү…
Жатайга 27 саастаах итирик дьахтар күрэппит массыынатынан саахалга түбэспит уонна утарсыбыт. Ол иннинэ кини таксыыска…
Бырааһынньыктааҕы күннэргэ үлэ биэрээччи үлэһиккэ куттала суох үлэ усулуобуйатын хааччыйыахтаах. Бу үлэ харыстабылын нуорматын тутуһууну,…
Сэтинньигэ уонна ахсынньыга Дьокуускай куорат үс олохтооҕуттан ИДьМ «Дьокуускайдааҕы» управлениетын 2-с №-дээх полициятын отделыгар уоруу…
Ахсынньы 12 күнүгэр Саха сиригэр Хотугу аҕыйах ахсааннаах төрүт норуоттарын Ассоциациятын күнэ бэлиэтэнэр. Бүгүн бырааһынньыктааҕы…